Enos Nampala a indile aanasikola yi itulemo melongo

0
307

KuMaria Namupala

ONAYENA –  Omukuluntu gwendiki lya Rossing mOndangwa okwa kumike aanasikola yi itulemo melongo.

Ndhino okwa li e dhi popi sho a popitha aanasikola posikola ya Amakali ndjono yili moshikandjolongo Onyaanya. Nampala okwa li atsu aanasikola yoondondo dha yooloka omukumo opo yiilonge nuudhiginini yo ya vule okutunga Namibia.

“One omwa tseya kutya omuntu ngele ina longwa nena oompito dhe dhokumona iilonga odhi li pevi unene onkene longeni nomukumo, ta mu lesha omambo neitulomo mu pite ne muye kiiputudhilo yopombanda mu vule kuya mu kwathele aakuluntu yeni mbono ya kala noku futa oosikola dheni,” ta ti nga.

Nampala okwali woo a kumike aalongwa yondondo onti 10 ya kale noku pula omakwatho kaalongi uuna kaya uviteko yo ya kale yiipyakidhila nokwiilongekidha ethimbo kehe oshoka ethimbo lyomakonakono olya thika ngaashingeyi popepi.

“Onda hala okupandula  aanaskola ayehe mbono ya shanga ondondo onti 10 omumvo gwayi (2013), sho ya longo nuudhiginini noya piti niitsa iiwanawa lela, ando nane osho lesheni omambo ngeyika mu pite nawa ngaashi mboka yali mondondo ndjika omvula ya ziko,” Nampala ta gwedhako.

 Okwa tsikileko woo ta londodha aakuluntu ya kale nokusila aanona oshimpwiyu momagumbo uuna ta yayi nokuza kosikola, yo naya putudhile aanona esimaneko lyaakuluntu. “Ina mu gandja nande oshiholelwa oshiwinayi kuunona shokukala puundingosho, kaleni kokule nomahalasa ne tamu kala hamu telekele uunona ngele tawu yi koosikola dhawo, otandi mu indile ne onga aavali mu kale hamu talelepo oosikola tamu tala nkene uunona tawushi enditha moongulu dhosikola oshoka omundji nomambo gaanona ihamu ga tala nande,” ta popi nomuthindo ngaa.

Esiku ndyoka posikola mpoka opwali woo pwa ningwa egandjo lyomapapa kaanasikola mboka ya longa nawa, kaalongi oshowo kaavali mboka ya konekiwa haya itulamo melongo lyuunona wawo.

Nuuha Frieda ngono eli mondondo onti 6 oye adhengemo noku kangela ayehe sho a ulikwa onga eli oye omunasikola dhingi posikola ayihe ndjika. Frieda okwali a pewa omagano, oomedalia, ekopi oshowo oonzapo omolwa epito lye ndika naasho a longo nuudhiginini sho  iitula melongo lye.

LEAVE A REPLY

Please enter your comment!
Please enter your name here