Nkene ta tu tala muule miitopolwa yetu

0
199

KuIipumbu Sakaria

WINDHOEK –Elalakano lyoshinyolwa shika olyo okuyelithila oshigwana muule kombinga yuukwatya wiitopolwa ngaashi ngaka ga gandjwa kolutu lwomiyalu lwa Namibia nenge ngaashi lwa tseyika nawa nedhina Namibia Statistics Agency.

Omauyelele ngaka atuhe otatu zimine kutya oga simana monkalamwenyo yetu oshoka otaga utha nokunwethamo shoka tatu ningi. Omauyelele ngaka oga simana woo oshoka oge tu pa uupu okutala mpoka tuli naampoka twa hala okukala monakuyiwa.

Omiyalu dhandjanjukununwa nawa oshitsa noshinkwanu kombinga yoshitopolwa kehe otadhi gandja uuyelele kaaningi yomilandu, kiikondo yepangelo noshowo komalutu gopapangelo, koshikondo shopaumwene noshowo koohandimwe.

Omiyalu ndhika odha kwatelamo iiyuliki kombinga yuukwatya woshigwana nomutungilo gwasho moshitopolwa kehe, paku shi tala pamagumbo, nonkalo yomomagumbo.Omiyalu otadhi ulike wo uukwatya  kombinga yoomvula, noshowo uukashike kookantu waantu , onkalo yuunandjokana, elongo, nontseyo yokulesha nokushanga, omaipyakidhilo gopamahupilo, uuthigwa, ondjele yoluvalo, nuulema mokati koshigwana moshitopolwa kehe.

Omiyalu ndhika otadhi gandja wo uuyelele kombinga yuunene nenge kuuwindji waantu momagumbo gomiitopolwa, iipumbiwa mbyoka yili momagumbo ngoka, uumwene womagumbo nongushu yago miitopolwa yetu. Uuyelele auhe mbuka owa gongelwa nokugandjwa okuza pomuthika gwiikandjohogololo.

Shika otashi ti otatu vulu ngashingeyi okuyeleka iitopolwa ayihe yetu noshowo iikandjohogololo yetu.

Oshiholelwa oshigwana sha Namibia osha thikama maantu oomiliona 2,1. Omwaalu omunene gwaambaka otagu adhika moshitopolwa sha Khomas moka taku tengenekwa muna aakalimo yeli lwopomayovi 342 141.

Oshitopolwa shika osha landulwa muuwindji waantu kiitopolwa Ohangwena, Omusati noKavango mbyoka yi na aakalimo yeli 245 446, 243 166 no 223 352 mukehe shimwe shiitatu mbika.

Kombinga onkwawo omiyalu otadhi ulike kutya iitopolwa mbyoka yi na aakalimo yomwaalu gwopevi oyo Omaheke, //Karas naHardap  yi na aantu yomiyalu dhili  71 233, 77 421 no sho wo 79 507 ngaashi ya landulathana ngaaka.

Omiyalu dhetu otadhi ulike kutya ooperesenda 80 dhomagumbo odhina omeya omawanawa gokunwa, ooperesenda 49 kadhina uundjugo, ooperesenda 42 ohadhi longitha olusheno okutema nokuteleka ooperesenda 54 ohadhi telekitha iikuni. 

Ngele otwa tala koshitopolwa Erongo otatu mono kutya oopersenda 96 odhina omeya omawanawa nooperesenda 81 ohadhi longitha olusheno okutema. Ishewe moshitopolwa Erongo ooperesenda 11 kadhina uundjugo omanga ooperesenda 15 ohadhi longitha iikuni okutelekitha iikulya yadho.Yeleka shika noshitopolwa Oshana moka ooperesenda 52 odho dhina omeya omawanawa gokunwa nooperesenda 88 hadhi longitha natango iikuni okutelekitha iikulya yadho.

Ngaashi twa popi petameko omaukwatya ngaka oge na omauwanawa oshoka otage tu pe uuyelele sigo opomuthika gwiikandjohogololo. 

Oshiholelwa ngele owa tala oshitopolwa Otjozondjupa, omuna oshigwana shomwaalu  gwaantu 143 903. 

Oshikandjohogololo Grootfontein oshina aantu 24 878, Okahandja aantu  24 451, Okakarara aakalimo  22 747, Omatako aakalimo 17 619, Otavi 12 488, Otjiwarongo komikunda aakalimo 31 813 no Tsumkwe oto adhamo aantu 9907. 

Omuthika gwokutseya okulesha mOtjozondjupa ooperesenda 83. Shitala pomuthika gwoshikandjohogololo noto mono Oshaanda shina ontseyo yokulesha yooperesenda 80, Okahandja 91, Okakarara 81 Omatako ooperesenda 84. 

Yelekanitha shika niikandjohogololo Otavi, Otjiwarongo rural noTsumkwe ngoye oto mono omuthika gwontseyo yokulesha gu li pooperesenda 73, 90 no 58 ngaashi ya landulathana.

Eyelekanitho ndika otali vulu okuningwa miikandjohogololo nomiitopolwa ayihe yoshilongo.

Mokweetapo omaukwatya yalulo giitopolwa ngaka otu shiwete lela kutya NSA ota longo iilonga ye yoku gandja omiyalu dha pumbiwa kaaningi yomathaneko noku kehe omukwashigwana opo a vule oku ninga omalongekidho ga kankamekelwa kuumbangi wu wetike. 

Ngele owa pumbwa omushangwa nguka aguhe oto vulu oku gu imonena pehala lyo internet lyetu po www.nsa.org.na omanga tse tatu andjaganeke omushangwa nguka pamambo moshilongo ashihe. 

LEAVE A REPLY

Please enter your comment!
Please enter your name here