Omauliko gomazimo niipindi pOshakati omwedhi tuuka

0
764

KuNuusita Ashipala

ONGWEDIVA Ewiliko lyondoolopa yaShakati olya gongele oodola omiliona N$1.1 pethimbo lyiitelekela yokugongelela omauliko gedhina Totem Expo gonuumvo.

Iitelekela mbyoka mpoka pwa gongelwa oshimaliwa shika oya li ya ningwa ehuliloshiwike lyayi mOshakati.

Omupopiliko gwelelo lyaShakati Jackson Muma okwa ti omauliko ngaka ogena elalakano okulonga oshigwana esimano lyomazimo noshowo omaludhi gomazimo. Pethimbo lyiitendele opwa gongelwa oodola konyala omayovi omathele 800 000 ogendji okuyeleka nomayovi gomathele 300 000 ngoka ga gongelelwe puulalelo womumvo 2013.

 “Uulalelo wonuumvo owo wumwe wa longa nawa okuza nkene tuu wa tamekelwe omumvo 2012,’ Muma osho a hokolola.

Sho a popitha mboka ya li piitendele ongulohi ndjoka Minista gwoshikondo shOmalelo gIitopolwa, Iilando, Omagumbo nEyokomeho lyokomikunda, Charles Namoloh okwa pandula elelo lyaShakati mokweetapo omauliko gomazimo ngaka.

Namoloh okwa ti omadhipago noshowo iilonga yaafele tayi longwa moshigwana otayi ulike kutya opwa pumbwa epukululo lyomondjila lyopamuthigululwakalo.Okwa ti omauliko gomazimo otaga ulike uukwatya nondhilo yoshiAfrika.

Ngoloneya gwaShana Klemens Kashuupulwa na ye okwa zimine pamwe na Namoloh a ti opo oohedhi dhoshi Africa ndhoka dha yonagulwapo kaauuninginino dhi galulilwepo opena oku etwa omikalo omipe nkene oshigwana shomongula shina okulongwa esimano lyomithigululwakalo, mwa kwatelwa oonkuluhedhi.

 “Opo tu shunepo omithigululwakalo dhAfrica ndhoka dha yonwapo komikalo dhiilumbu, otuna okuyapo nomikalo omipe nkene tatu tseyithile omapipi ta geya esimano lyomithigululwakalo mwakwatelwa uuthiga noonkuluhedhi dhetu,” Namoloh a ti .

Meya gwa Shakati , Onesimus Shilunga okwa indile oongeshefa adhihe nomahangano, oshowo oohandimwe moshigwana , nomoshikondo shopaumwene opo ya yambidhidhe osheetwapo shika.

Omakwashilipaleko gonuumvo ngoka ga kankamekelwa kehangano ndyoka lya gandja oshindji oga eta mpoka kutya aanangeshefa,Kambwa Trading na Chicco Building Supply oya kuthapo ondjambi yoplatinum.  Omanga Benz Building Supply nOshana Mall oya yi nondjambi yoshingoli ye Fysal Fresh Produce ta yi naandjoka yoshisilveli.

Omahangano galwe ngoka ga uvaneke taga gandja oshimaliwa komauliko gomazimo ngaka ongaashi ombaanga yo FNB Namibia, Bar Namibia, Tulipamwe Consulting Engineers na Kumika Fisheries.

Omupopiliko gwelelo lyaShakati okwa ti elelo lyoshilando otali ka longitha iimaliwa mbyoka okulongekidha omauliko ngaka gOshakati Totem Expo ga dhenga moombuli okuza mesiku 1 sigo  5 lya Juli nuumvo.

Nuumvo omauliko ngaka otaga ka kalwa kaa uliki yiipindi yeli ethele limwe.

LEAVE A REPLY

Please enter your comment!
Please enter your name here