Uudhano tawu nyanyudha woongonyo moVenduka

0
192

KuOtniel Hembapu

WINDHOEK – Omuhumithikomeho guudhano woongonyo moNamibia a simana otaka ulukila aadhengingonyo ye mpoka enongelo lyokudheula aadhengingonyo lyedhina MTC Nestor ‘Sunshine’ Tobias Boxing and Fitness Academy lya tameke.

 Nestor Tobias otaka ulika mpoka enongelo ndika lya tseyika nawa nena muuyuni noshowo menenevi ndika nkene lya tameke, noshowo kutya onzililo yalyo nehe lyalyo olili peni.  Shika ote ke shi ulika nuudhano woongonyo mboka tawu ka dhanwa Olyomakaya ndjika po Independence Arena moWindhoek.

Uudhano mbuka owuli kohi yedhina ‘Local Is Lekker’ Boxing Bonanza. Esiku eti 24 lya Novomba 2001 po Independence Arena opo mpoka Tobias a tameke olweendo lwe okuninga omudheuli dhingi gwaadhenginyo yopaithano sho a ulike olugodhi lwe lwotango lwopaithano ndoka lwali pokati ka Frans Rambo Hantindi na Farai Kachigwada. 

Olugodhi lwali talu kondjele epaya lyo Pan African Welterweight lyolutu lwoongonyo lwo World Boxing Association olya li lya sindanwapo ku Hantindi ngoka a dhengemo omukondjithi gwe medhingoloko etiheyali nongonyo yimwe nopevi.

Ngashingeyi konima yomimvo 13 oAcademy ota yi galukile kontsapo yayo na otayi uvaneke aakalimo moKatutura nomudhingoloko kutya otaya ka tala uudhano woongonyo uuwanawa momalugodhi itaaga nunwa meya.  Muudhano mbuka olugodhi pokati ka Jatoorora The Sting Tjingaveta ta kondjo na Peter Malakia muudhano woongonga 10 taya kondjo mondjundo yo Junior Welter, olwo talu kala olunene lwongulohi ndjoka.

Aambokisi yalwe mboka taya ka londa mokruita esiku olyo tuu ndyoka oyo Walter Kuutondokwa taka taalela  Theophilus Vatileni mondjundo yo Middleweight uule womadhingoloko 10 omanga Mike Shonena otaya ka kondja na Tommy Hango molugodhi lwoongonga 6 mondjundo yo Welterweight.

“Shika otashi ka kala oshiningwanima shopandjokonona monkalamwenyo, sho oAcademy ndjika ya zi powalawala  ihe nena oyo yimwe yomwaandhoka oombwanawa nodhapyokoka mokudheula aadhengingonyo muAfrica nomuuyuni. Tse otwe shi pondola uule womimvo dhapiti okudheula nokweetapo aadhengi yoongonyo ya yalulwa kuuyuni noshowo omanyakwa guuyuni. Ngashingeyi otatu galukile kegumbo okupandula aantu yetu mboka yetu eta paantu. Otatu shuna okuya ulukila kutya shoka ye tupe kashali osima yowala ndele  otwe shilongitha nawa notwa koko, na tse opo tatu kala sigo osigo,’ Tobias a uvaneke.

 Tobias okwa ti omiyelo okuya moshinyanga shopo Independence Arena moKatutura otadhi eguluka potundi 10h00 yongula na otapa ka kala omauliko kaahikingalo yoo The Dogg, Dj Chin Chila & Dj Alba.

“Tse oacademy yaantu, kaantu nomolwaantu.

Kaabokisi amuhe, simanekeni aadheuli yeni, indeni aluhe komadhewo esiku kehe nonando kapena esiku lya tseyika kutya omubokisi ngandi ota ka kondja uunake nalye nopeni,’ osho omudheuli ngoka a tumbalekwa a indile.

LEAVE A REPLY

Please enter your comment!
Please enter your name here