Uudhano wopo Ruacana wa mono enyakwa

0
245

KuShipi Elago

RUACANA –Osipana yoBasketball yOsikola yopombanda Ruacana High School oyo enyakwa epe methigathano lyo TIME ON TASK ndyoka lyali lya dhanenwa  pokapale ko Ruacana High School mehulilo shiwike lyaziko.

Konyala oosikola dhi thike pomilongo 20 odha li dha kutha ombinga muudhano womaludhi ga yooloka mboka wa li wa nana aa ondoli yomeho okuza kiitopolwa oyindji unene tuu yokuumbangalantu.

Osipana yoBasketball yaRuacana High School oya li ye shi enditha nawa momaudhano gawo agehe noya pondola okudhengamo osekundosikola yaMweshipandeka muudhano wawo wahugunina no ya venepo ekopi lyo Basketball.

Osikola yUukule Secondary School oyo ya sindanapo uudhano wo Volleyball konima sho ya li ya dhengemo Ruacana High School, omanga uudhano wetanga lyoomeme wa kuthwapo kOnesi Secondary School sho ya dhengemo Iipumbu Secondary School.

Haundano Secondary School oye eli enyakwa muudhano wo katanga komokambamba konima sho ali a hanagulapo osipana yokatanga komokambamba yaRuacana High School muudhano wawo wahugunina.

Uudhano wetanga lyokoompadhi inawu vula we okukathika pehulilo oshoka ethimbo ina li ke shi pitika we.

 Osipana yetanga lyokoompadhi yOsekundoskola yaIipumbu oyi ilongekidha natango okusindanapo ekopi ndika oshikando oshitiyali konima sho ya li ya sindanapo ekopi ndika omumvo gwa yi na oyi li nale ya ninga oshilage medhingoloko lya hugunina moka ya tegelela ya ka dhane naangoka taka sindanapo uudhano pokati ko Ruacana na Haundano.

LEAVE A REPLY

Please enter your comment!
Please enter your name here