Ya tsakanene nelalakano okuyambulapo osinagoga yawo

0
299

KuMaria Namupala

ONAYENA – AanasIkola aakulu yo poMateus Nashandi oyali ya tsakanene mehuliloshiwike ndika pOmbaye nelalakano lyokuyambulapo. Osikola ndjika oyili momukunda Iikokola mOndonga.

Engathithi enene lyaalongwa aakulu olyali lya gongala momunkulofuta okugongela oshimaliwa shokuhumithakomeho oshitopolwa shawo moka taya tsu unene omuthindo petungo lyosinagoga ndjoka yili monkalo tayi etitha ohenda noshowo okukwathela osikola ndjoka mpoka tayi nyengwa.

Oshinyangadhalwa shika  oshali sha kwatelwa komeho ku kahewa kosikola Mateus Nashandi, Ureh Ugwanga, mwene gwomukunda Iikokola I-Ben Nashandi, Omunashipundi gwokangundu mutima Nuumvo Nashandi oshowo konyala ayehe mboka yasikola posikola oyo tuu ndjika.

Ureh Kiimba ngono oye eli gumwe gomaaunganeki yoshilongadhalwa shika okwa ti oya li taya landitha iikulya yopamuthigululwakalo nonyama oku ziilila po Friendship Bar yili molukanda lwa Namport mOmbaye moka.

Molyomakaya oyali ya ningi ethigathano okulonda ko Dune 7 moka omulongiskola omukulu tatekulu Joel Ndeulyatele goomvula (56) ali eshi tompola okuthika kondungu yo dune meendelelo lela. 

Omunaskola gumwe omukulu Eric Amunwe okwali ta ningi oopush up dhivulithe pethele limwe  ngono ogo gali omaudhano gamwe ga ningilwe esiku ndyo.

Aanaskola mbaka oya holola kutya egongelo lyoshimaliwa ndika olya enda nawa oshoka osheya pe ompito okugongala pamwe naanasikola aakulu ooyakwawo mbono yamwe yiihulile owala posikola mpo.

“ Otatu longitha oshimaliwa shetu okwoopaleka osinagoga yetu ndjika nokukwathela osikola yetu ndjika oshoka sho twa mona elongo omolwa yo, otwa hala woo okuyambulapo Iikokola li kale ehala tali gandja uuwanawa kaantu yomomukunda ” Kiimba ta ti nga.

Oya gandja omapandulo ga shewa ku tatekulu Joel Ndeulyatele, Ureh Kiimba, Sebby Iiyambo, Chief Mandume, aanasikola ayehe aakulu kondandalunde naayehe mbono yali ye ya yambidhidha megongelo lyawo lyoshimaliwa, taya uvaneke kutya osinagoga yawo otayi ka kala ya tameka oku opalekwa muule wethimbo efupi lela.

LEAVE A REPLY

Please enter your comment!
Please enter your name here