Young T ta ka pititha Philosophical Page

0
458

KuPinehas Nakaziko

WINDHOEK – Tulina Twafyaalako, a tseyika nawa nedhina Young T, oye gumwe gwomaahikingalo mboka ta ya humitha oongalo dhoshiNamibia komeho, omolwa uunongo wawo wa dhenga mbanda.

Young T enyakwa ndyoka lya yambukile kOngha mUukwanyama, nokuli kapyoko moku imba nokuningila aahikingalo ooyakwawo omikwelengendjo dhoongalo dhawo.

Young T ngoka eli Kamana kandongo moongalo dholudhi lwoHip Hop, Shambo noAfro Pop ota pititha oalbuma ye yotango kehulilo lyomvula ndjika, tayi ka ithanwa Philosophical Page.

Oalubuma ndjoka yapwa nale okuningwa okwa imba pamwe naahikingalo ngaashi Patrick naDion yoPDK, Sunny Boy, D-Blood, Iron Man, KT Sackey, Eddy K, S-Man,Tulisan naTequila.

Molwuunongo we owundji, Young T okwa ningila ishewe aahikingalo mboka aanene mehangano lyoongalo omikwelengendjo nooalubuma odhindji ngaashi yaSunny Boy 50-50 Love nuungalo une (4) moalubuma yaSatlam tayi ithanwa “My fan My blood”. Kakele kwaashoka, Young T okuna ekwatathano ye okwa longa wo pamwe naahikingalo oyendji ngaashi Komesho, Terror, Zalas, Tsempo, Out Ride naKidd Ill.

Young T ehulilo shiwike lyaziko okwali a thigi oyendji yagwa kiipundi sho ali a mono ompito yokuulika uunongo we koondolopa dhokomunkulofuta. 

Komungandu gwaShigwedha okwali a ulike uunongo we pokakadhona dhingi Miss Rise and Hope College, hoka kwali ya ende pamwe naDj Fessy gokOmulunga Radio,osho wo kOmbundu yaKiiyala koInfinit Lounge.

“Oalbum yandje otayi etitha oonkondo oshoka ohwangalahwahwa yomaludhi gatatu goongalo, ogeetapo oludhi lumwe olupe lwo oluwanawa. 

Oshigwana osha tegelela oongalo ndhi inaadhi uvika mo nale moshilongo. Oshiholelwa na ya tale kokangalo kandje Ehaka, hoka ha ka dhanwa noha kapulwa unene kooradio dhomoshilongo” Young T ta goyoko.

LEAVE A REPLY

Please enter your comment!
Please enter your name here