Aadhani yaNamibia kohi yomimvo 17 ya langele Mozambique

0
214

Komutoolinkundana

WINDHOEK – Aadhani yaNamibia yospana yetanga lyokoompadhi kohi yomimvo 17 oya manitha omailongekidho gawo guule wiiwike yontumba ngoka ya kala nokuninga omanga inaa ya kadhana naMozambique muudhano mboka tawu ya pitike opo ya ka kuthombinga muudhano wo Confederation of African Football (CAF) waadhani kohi yomimvo 17.

Ospana yo Baby  Warriors otayi ka dhana na Mozambique,mo Maputo ehuliloshiwike ndika.Aadhani mbaka oya thikile moMaputo kuyele oshiwike shika okuninga omailongekidho  gawo gahugunina opo ya tale ngele otaya piti okudhenga Mozambique noku kala nompito okuya kuudhano wekopi ndyoka tali ka dhanenwa moNiger omumvo tuuka.

Iilongo 18 otayi kuthombinga momadhingoloko ngaka gopetamekolela.

Omudheuli gwospana yaagundjuka, Timo Tjongarero okwa ti aadhani oyendji oya hogololelwe okuza mongundu yaamboka ya li ya  dhana muudhano wotonamende yokomumvo ya Skorpion Zinc yaadhani yokohi yomimvo 17. Otonamende ndjika oya ningililwe poKeetmanshoop konyala iiwike iyali ya pitipo. 

“Aamatyona oye uviteko kutya oshike ya tegelelwa okuninga. Petameko osha li oshidhigu kuyo oku uvako omalombwelo agehe, unene tuu sho oyendji yomuyo ya igilila ashike okudhana uudhano wetanga lyookoompadhi lyomoosikola. 

Ihe ngashingeyi oye na euveko lili nawa kutya oshike sha tegelelwa kuyo uuna taya dhana etanga. 

LEAVE A REPLY

Please enter your comment!
Please enter your name here