‘Mosquito’ a hala okuninga oongalo ta dhi tungu oshigwana

0
213

Ku Pinehas Nakaziko

WINDHOEK – Gwonale okwa tile, okadhila aluhe oha ka yala noluhozi lumwe. Shino otashi tsu kumwe nonkalo ya Mosquito, omuhikingalo ngoka amwena noonkondo adhihe, nedhina pakuudha Filippus Iipinge.

Mosquito ota ti nonando a tamekele ashike okutota oongalo dhe okunyanyudha  ookume ke, ohokwe yoongalo oye mu kwatako, naampoka opo a zi ngashingeyi ta ningi oongalo ongomboloto ye ya kehe esiku. “Onda hala okuhinga oongalo ndhoka dhina ongushu no tadhi tungu oshigwana, ndi gandje woo etumwalaka lyandje ta shi pitile moongalo ndhoka he hiki unene tuu kaagundjuka yonena,” Mosquito ta ti.

Oalubuma ye ‘Big Money’ ndjono ta yiti Oshimaliwa Oshinene oya pitile muDesemba, na oyali ya humbata ehwata lyoongalo omulongo nahamano (16), ndhoka tadhi hokitha na odhina omukwelengendjo  gwomusiki tagu inyenge nawa. Okwa li a kwathelwa koombushe miilonga okwiimba ngaashi Mushe, Yashe Tati Pii, Kadju, Pixam, Tokoloshe naKristmas. Ota ti oalubuma okwe yi lukila ehangano lye yemwene lyokutota oondjimbo Big Money, okuli taandelitha kwaamboka kaa ye lishi nale.

Moalubuma ye omuna nee uungalo mboka uuwanawa noonkondo adhihe ngaashi Peace Namibia ta kwathelwa ku Pix-lam, hoka ta ka indile ombili moNamibia, Wathikama Peni ta kwathelwa kuMushe ta ka indile ayehe ya kale yeshi mpoka ya thikama. 

Okavidio ke, Os-eike Naave ta kwathelwa kuKadju oha ka monika  koradio yomuzizimbe yo NBC na One Africa.

Mosquito ota ti oalubuma ye otayi adhika oshilongo ashihe mpoka hapu landithwa oongalo dhoshiNamibia. Ota indile aaNamibia ya longele kumwe yo ya kwathathane sigo oompoka taya vulu.

LEAVE A REPLY

Please enter your comment!
Please enter your name here