A nangala noshikombo

0
288

KuHelvy Shaanika 

ONGWEDIVA – Junias Fillipus, omulumenhu oo kwali akwatwa po papuko ta lundililwa edipao nekwatonghonga lokaana kofikola kedina Magadalena Stoffels mo2010, okwa kwatwa po vali, ta tamanekelwa ekwatonghonga loshikombo. 

Paveta yaNamibia, okunangala ile okuya moixulo noshinamwenyo oshinima shihe li paveta nosha talika ko onga oshimbuluma.

Pauyelele oo wa yandjwa kOmupopiliko wopolifi mOshitukulwa shaHangwena Sisande Abner Kaume Itumba, Fillipus oo a dile komukunda Onanghulo, mOshitukulwa shaHangwena omo tuu omo, okwa li a hangikilila ku inakulu koshiunda shoikombo ta i moixulo noshikombo shambulavo. 

“Omukulupe eshi emu mona okwa kala ashike emu tala fiyo [Fillipus] ota mane oinima yaye, nokonima [omukulupe] okwa ya ndele taka lopota kopolifi,” Itumba ta hokolola. 

Itumba ta weda po kutya Fillipus okwa li a pewa ngeno opo e lifutile mo modolongo noN$300, ashike ina dula oku i futa osho sha etifa opo a kale modolongo fiyo onena.

Oshibofa shaye osha undulilwa komafiku July 27, 2014. 

Omanga ina kwatwa po oshikando eshi, Fillipus okwa hangwa a tulila mo epangelo oshibofa shelundilo, shokutulwa modolongo shihe li paveta noshokushundula ounhu womunhu. Eshi osha landula eshi a li a kwatwa po nokulundililwa edipao lomunafikola woko David Bezuidenhout High School, ofikola oyo i li moKhomasdal moWindhoek mo 2010. 

Olutu lokaana aka ola li la hangwa momulamba, a kutulwa omunino ye a kwatwa onghonga. Oshinano ashike shishona okudja opo pa hangwa olutu laStoffels opolifi ya li ya hanga po Fillipus ta kosho ohonde koikutu yaye momulamba omo.

Konima omutamaneki Ndjai Martha Imalwa okwa yandja elombwelo opo oshibofa sha Fillipus shi kalekwe shaashi kape na oumbangi wa wana. Eshi osha eta opo Fillipus oo a li ha i nOmbiibeli keshe efiku komhangu opo a tulile mo epangelo oshibofa, okupitila muhahende waye.

Omulumenhu ou ota pula opo a futilwe oshimaliwa shifike peemiliona nhatu (N$3 milion), ashike oshibofa eshi ina shi pwa natango.  

LEAVE A REPLY

Please enter your comment!
Please enter your name here