Nghaamwa a ka landa tango mositola ya Pick and Pay

0
219

Komutoolinkundana

WINDHOEK – Usko Nghaamwa, Gavena gwoshitopolwa sha Hangwena oye gumwe gwaalandi yotango mboka ya landa moshitayi oshipe shoositola dho Pick and Pay mOkongo. Oshitayi shika oshiti-18 osha egulukile oshiwike shayi pOkongo konima sho ositola yoludhi nduka ya li ya egulula omiyelo dhawo okulanditha moWernhill Park 1997.

“Tangi unene Pick ‘n Pay – otwi inekela oto tsikile noku andjaganeka omayakulo goye  noshowo okusila oshimpwiyu oondoolopa ooshona  nomikunda. 

Oshikwawo otuna etegameno kutya oto ka yambidhidha Team Namibia sho to kala noku landa iilongomwa yomoNamibia, omanga wo kombinga yimwe to kwatha mboka ye li mompumbwe mpoka to vulu,” osho Nghaamwa a popi peegululo lyoshitayi shoka.

Pick n Pay Namibia oshilyo shehwata lyomongundu yoongeshefa dhOhlthaver & List (O&L) na okwa egululile ongeshefa yoludhi ndoka yotango moWernhil Park moWindhoek 1997. 

“Okongo, alikana ileni mu lande mu tse eta mu pandula uuwanawa wokulanda mositola yadhengambanda , tse otwi itulamo oku ku etela iilandithomwa yongushu ombwanawa nomayakulo itaa ga pewathana,’ osho omuwiliki omukuluntu gwa Pick and Pay, Henry Feris a ti.

 “Otatu shi popi netumba nonuuntsa kutya Ongundu yoPick n Pay oyo okwaako kumwe kwehangano enene lyopaumwene moNamibia lyOhlthaver & List – ndyoka lili miikaha yaaNamibia okuudha na olina aaniilonga ya konda paantu 1600.  

Ondi inekela kutya aaniilonga ooyakwetu aape  moshitayi sha Kongo otaya ka nyanyukilwa iilonga yawo na otaya ka yakula aayakulwa yawo neitulemo tali zi komutima,” osho Feris  a gwedhapo. Feris okwa dhenge omuthindo kesimano lyoku enditha eyokomeho moondoolopa ooshona dha Namibia, neitulemo lya Pick n Pay komalalakano ga O&L okueetapo onakuyiwa ombwanawa nokuhwepopeka onkalamwenyo yomuNamibia kehe unene tuu moondoolopa ndhoka  dha fa dheethiwa. 

LEAVE A REPLY

Please enter your comment!
Please enter your name here