Oalubuma yaOmzoo M’dualala osho ya thiki

0
207

Ku Pinehas Nakaziko

WINDHOEK-Oalubuma ya Omzoo M’dualala ndjoka yaningi ethimbo ya tegelelwa koyendji osho ya pitiko. 

Oalubuma ndjika ta yi ithanwa Kospana oya holokele moshilongo Omaandaha goshiwike shika.

Kakele ashike komulyo gwomusiki ngoka tagu inyenge nawa nota gunyuwitha omakutsi gaapulakeni konyala moongalo adhihe tadhi a dhika moalubuma muka, Omzoo okwa etelele ishewe oshintalenti she oshipeepeka (shahuma komeho), nomikwelengendjo  dha yoolokathana, ayihe mbyoka ya gandja omulyo omupe koongalo dhe, shivulithe ndhi ali ha imbi nale.  

Moalubuma okwa longithamo nee oongalo dhomaludhi gayoolokathana ngaashi Omayimbilo Gopambepo, oKwaito, Afro pop noHouse Musiki. Mokupulakena nawa koongalo ndhika oompeempeka, ito hala okukala inootya Omzoo okwe shi dhenga komutse.

Oalubuma ndjika Kosppana oyina ehwata lyoongalo omulongo naHeyali (17), moka Omzoo ta kwathelwa kaahikingalo ooyakwawo ngaashi M-Jay, Jackslela, Smally Masanga, Makhazola, Neslow naTreckfo. 

Okangalo kotango hoka ta ka ithanwa Teleleinge oko kamwe ta ke ku pemo manga kashona. 

Mokangalo muka Omzoo ota imbi iitegelela no ta lombwele oshigwana shimutegele, naayambidhidhi ye kutya okwa galukila mondambo ita shuna we oshithi monima. 

Okangalo okatiyali hoka kalukilwa edhina lyoalubuma Kosppana, ota ka tanga iilonga, naantu ya itule mwaashoka tashi yape omboloto yesiku kehe.  

Wumwepo womuungalo mboka uuwanawa moalubuma omwakwatelwa nee ngaashi Takamitha, MeeSelima, Iinima Yaantu  naOmuthiya, hoka ta ka tanga oshikandjohogololo shOmuthiya, nomikunda dhopopepi. 

Omzoo okwali a tseyika nawa noalubuma ye ndjoka Ongonyo Yomuposi, ya pitile oomvula dhayi. Mokuholola uuntsa nuunambano we, Omzoo okwa ipandula kiilonga ye mbyoka alongo nuudhigini, noku wete alonga sha shomupondo oshoka okupititha oalubuma yina ongushu no yi li pomuthika gwopombanda kashishi oshipu. 

LEAVE A REPLY

Please enter your comment!
Please enter your name here