Otonamende yIpumbu yoosikola monooli

0
184

KuShipi Elago

Ongwediva – Osekundosikola yIipumbu otayi unganeke uudhano woosikola ehulilo shiwike ndika pokapale kemanguluko mOshakati.

Omukwateli komeho guudhano mbuka nokuli omulongisikola posekundosikola Iipumbu, Erastus Wilbard okwa ti “oya tegelela oosikola dhi thike po 20 dhi ka kuthe ombinga muudhano wayooloka muule womasiku gaali.

Erastus ta tsikileko tati oosikola otadhi ka kutha ombinga muudhano ngaashi, okatanga kokoompadhi, okatanga komokambaba, Basketball,no Volley ball.

Taholola kutya enenedhilaadhilo lyuudhano mbuka olyo okupendulapo uudhano moshitopolwa, okweeta aanyanyamagulu pamwe, nokugongelela osikola oshimaliwa okupitila miilandithomwa .

Osikola ndhoka tadhi zi kiitopolwa yokokule ota dhika pewa eha momuhandjo gOsekundosikola yIipumbu.

Erastus ta holola wo kutya uudhano mbuka owa nuninwa ashike aanasikola no itaya kapitika nande oosipana dhopaumwene.

Okwa kunkilile oosikola dhi ye dhi ilongekidha oshoka Iipumbu yaShilongo okwi ilongekidha oku gamena omapapa ngoka a sindanenepo muudhano womumvo gwayi.

Kombinga yegameno okwa ti oya konga oosikuliti yopaumwene,mboka taya ka kwathela etanga lyopolisi yaNamibia opamwe no Men and Women network.

Uudhano mbuka otawu ka mwenyekwa noshituthi shokakadhona dhingi ano Miss Tournament shoka ta shi ka kalako kongulohi yetihamano mpeyaka moshinyanga shiigongi shaIipumbu .

Oompata na dhi tameke kutya osikola yini tayi ka dhana onkandangala muudhano mbuka,GT,Mweshi,Erundu, Iipumbu dhimwe dhomoosikola dha tengenekwa koyendji dhika gandje uupyu muudhano mbuka.

LEAVE A REPLY

Please enter your comment!
Please enter your name here