Tjingaveta a dhengemo Malakia nuupu ihe ina pewa epaya

0
259

KuOtniel Hembapu

WINDHOEK – Omudhengingonyo mondjundo yo Junior Welterweight, Jatoorora Tjingaveta ina pewa oshishani shika noshowo epaya mondjundo ndjika nonando oye a sindana molugodhi lwawo na Peter The Butcher Malakia Olyomakaya ga yi poIndependence Arena mOvenduka ehuliloshiwike lyayi. Uudhano wa Tjingaveta  na Malakia owa li owo uunene pethimbo lyuudhano woongonyo mboka wa li kohi yedhina “Local is Lekker boxing Bonanza.”

Tjingaveta okwa tindilwa epaya ndyoka nando okwa sindana molwashoka okwa li ena ondjundo ya pitilila pethimbo uudhano mboka wa dhanwa. Okwa li ena ondjundo ya pitilila noograma omathele gatano pethimbo a yi molugodhi ndoka.

Omudheuli gwe Nestor Tobias okwa ulike kutya okwa uvithwa nayi koshinima shoka, unene tuu sho aabokisi haya tseyithilwa kuyele kombinga yoondjundo dhawo opo ya ningepo sha omanga inaa ya ya molugodhi.

“Omolwa onkalo ndjoka aabokisi mbaka yaali pamwe naawiliki yawo oya tokola okuya komeho nolugodhi nongaashi sha uthwa koompango dhopaigwana dhombokisa,omudhengingonyo ngoka ena ondjundo yapitilila okuna okugandjapo ooperesenda 10 dhiiyemo ye komukondjithi gwe noshikwawo ngoka iha pewa epaya ndyoka ngele oye  a sindana. 

Onkene Tjingaveta ota tsikile oku idheula opo tu tale kutya otatu mu monene shike. Ye omudhengingonyo omwaanawa na okuna oshindji shoka ta ka etapo monakuyiwa muudhano wooku dhenga oongonyo, onkene okwa tegelela iinima iiwanawa mbala,” osho Tobias a ti.

Tjingaveta okwa ti okwa nyanyukilwa iilonga ye unene tuu sho a sindana molugodhi ndoka na kali ena omaipulo kutya ina pewa epaya lyondjundo ndjoka. Okwa ulike kutya olugodhi ndoka olwa li olupu.Shoka sha li sha pumba mulwo osho owala okudhenga yimwe nopevi.

 Tjingaveta, ngoka a li nale ha kondjo mondjundo yo Lightweight,okwa kondjo oshikando oshitiyali mondjundo yo Junior  Olyomakaya ndjoka ya zi ko. Okwa ti okudhenga kwe ta endelele noshowo oonkondo dhe odha hwepopala ngaashi sha ulikwa kiizemo yolugodhi lwomOlyomakaya.

 “Kandali nuudhigu washa okulonga na Malakia, oshoka okwiigamena kwandje noshowo omukalo gwandje gwoku homona omukondjithi gwandje okwa li nawa.Onda li woo nda fuulwa kokweendelela kwandje mokudhenga oongonyo noshowo omainyengo gandje mokruita.

Ayihe mbyoka oya londeke nokunenepeka einekelomwene lyandje,” osho Tjingaveta a ulike.

  “Ngashingeyi otandi kala noku idheula nokulonga nuudhiginini. Ondina einekelo kutya omudheuli gwandje ota ka monena ndje olugodhi , ngiika moka tandi ka tsakanena nomukondjithi gwandje a fa evule ndje. Ngame mwene inandi hala oku laalela puule, Otandi longo ashike oshilalakanenwa shimwe pethimbo limwe,” osho a tsikileko a ti.

Momalugodhi ngoka ga tetekele nduka, Walter ‘The Executioner’ Kuutondokwa okwa dhengemo Theophilus Vatileni medhingoloko lyotango ongonyo yimwe nopevi.

Omanga mondjundo yoWelterweight molugodhi lwopashigwana Mike Shonena okwa dhengemo , Tommy ‘The Lion’ Hango.Ye Sebastian Nataniel ta dhenge mo Manfred Hambanga,. Uudhano wa li pokati ka Domimulous Weulu na Enkala Amos owa dhanwa shithike pamwe. Muudhano wa  Lukas Handivele na Erwin Kauuampito ,mondjundo yo Featherweight naambaka oya dhana shithike pamwe woo. Kennedy Kamati okwa dhenge  Erkki Kalenga noku sindana mondjundo yo Lightweight lwo olugodhi lwa  Matthew Johannes na Seblon Sheuyange mondjundo yoFeatherweight olwa hulile wo mokudhana kuthike pamwe pokati kaambokisi mboka yaali.

Sacky Shipanga okwa tono Ristoh Ashikoto oonkondo nokwa sindana mondjundo yo Flyweight ,omanga Jacob Jacob  a kandulile Simon Nangolo moluha, molugodhi lwawo mondjundo yo Flyweight. 

LEAVE A REPLY

Please enter your comment!
Please enter your name here