Aanyasha hulithenipo okulonga iimbuluma

0
207

KuLoide Jason 

OSHAKATI – Omuhikingalo Omunamibia a tseyika nawa Nakale ya Nakale okwa kumagidha aagundjuka opo ye ethepo iilonga yuulingilingi.

Nakale ndhika okwe dhi popi sho ongundu onene yaakalimo konooli ya li ya mbombolokele koGame mOshakati ya ka tale uudhano gwoongonyo.

Nonando onkalo yombepo yuutalala oya li ya pindjala aakalimo yomOshakati oya tondokele pehala lyagamenwa ndyoka lya mbwalangandja opo ya ka tale omaudhano ngoka ga unganekwa koGo TV.

Omaudhano ngaka oga li pokati kuunona uushona, wopokati noshowo aakuluntu mwakwatelwa woo aakadhona mboka woo ya li taya umbu  uuhandja.

Aakalimo yomOshakati onkee ngaa ya mwenyekwa komuhikingalo a tseyika nawa moshilongo ashihe Nakale ya Nakale sho a imbi noku mwenyeka engathithi ndyoka lya li lya gongala mpoka.

Nakale ngoka a halele  wo Namibia oku kala nombili  ethimbo ele okwa ti kutya aanyasha naya hulithe po okulongitha nayi  iikolitha  nokulonga iimbuluma.

“Aanyasha hulitheni po iimbuluma, nosho iikolitha e tamu tameke oku ilongela ne yene,” Nakale ati.

Nakale okwa li a gandja omapandulo komunangeshefa omugundjuka Remind Ekandjo ngoka woo naye a tseyika nawa monooli nedhina DJ Remind  unene pethimbo ndyoka a li ha mwenyeke aagundjuka noprogram yaKuna mukweni ha kokule ndjoka hayi kala kIilonga yOshiwambo yokoradio yaNBC sho a longekidha oshowu ndjika.

LEAVE A REPLY

Please enter your comment!
Please enter your name here