Mr Chilly a pititha uungalo uyali

0
237

KuPinehas Nakaziko

WINDHOEK – Omolwa omayambeko niipewa mbyoka Nampongo a gandja kaashitwa ye, Lot Namalenga a tseyika nawa nedhina moongalo Mr Chilly, omvalele yomOmandongo mOnayena okwa li wo na ye  iiyadha eli mongundu yomanyakwa mokuhika oongalo mEvi lyOmapendafule.

Okwa pititha uungalo we uyali petameko lyomwedhi nguka tawu ithanwa Shimaliwa Kashiwana  moka ta kwathelwa kuK-Legend osho woo Ndapanda, ta kwathelwa kuAllex naShyer, mboka wa holola uunyakwa we, sho wa tameke okudhana kooradio dhomoshilongo.

 Nonando uunongo we ewu holola manga ali omushona lela, Mr Chilly okwa ti oyendji yopomudhingoloko gwe osho woo aalongwa pamwe naye posikola yopombanda yaNehale oya kala noku mu ula kutya okwa lula ongondungu, shono sha pendutha omadhiladhilo ge opo ye iiluke edhina Mr Chilly.

 “Ondungu konyala ohayi liwa kaantu oyendji, nangaye wo kapena oludhi lwoongalo halu nyengendje. 

Aayambidhi yandje aluhe ondeya tula komutima omanga iinandi tota ongalo, kaleni noku pula uungalo wandje mbono uyali Kashiwana naNdapanda kooradio dhomoshilongo, otamu vulu okuwu kutha koSound Cloud,”Mr chilly ta lombwele aayambidhidhi ye ngaaka.

 Okangalo ke kotango Onkalamwenyo yandje mwene okwe ka ningile momumvo 2004, pethimbo ali ha kwatele uungalo we koositudio dhopombanda dhomOshakati mwa kwatelwa oHalf Production noShy Guy Entertainment.   

Omumvo ogo tuu ngoka okwa kala noku ninga iinyangadhalwa yoongalo poshitopolwa  shawo mekwathelo lyookuume ke ngaashi Penda Nehale, Reinhold Nehale naTiofelus Kaambu,okutumbulapo ashike aashona.

 Mo2008 okwa li a holokele mOmukuto gwaNaambo mono ali a tsakanene nomuhikingalo a tseyika nawa moshilongo Mushe nokwa ningi oalubuma ye yotango, edhina mOshiingilisa “Who is the best”, yapitile mo2010 no ya li yahumbata oongalo dha dhenga mbanda ngaashi Omuwa gwandje, Husband and Wife, Dont Rush, Just two  ta kwathelwa kuMakozee, Eengalo ta kwathelwa ku Mushe.

Etseyitho lyoalubuma ye yotango olyali lya ende nawa uunene tu sho a mono aayambidhidhi oyendji, noshali she mupe omukumo opo a pitithe oalbuma ontiyali.

 Ngashingeyi okuli ta longekitha Oalubuma ye ontitatu tayi kapita oomwedhi ooshona twa uka. Otaka ninga okavideo kokangalo ke Okapana, kamwe komuungalo mboka inaawu pita natango.

 Moalubuma ye ndjoka yili komashina natango okwa longa naaningi yomwikwelengendjo ngaashi Mjay, Villo, Dj Sodo, LKP ye ta kwathelwa moku imba kuMakozee, Ama Daz Floor, Allex & Shyer, Little Boy osho wo Ndali. 

 Mr Chilly ota tsu wo omukumo aahikingalo oyaa kwawo uunene tuu mba opo ta yeya kutya okuhika oongalo okwafa omuntu eli moshiheke mono muna ithindi, omandangalati niipunduli, mo muna oondjila dhina omagoli nomasilu, ashike shino hasho tashi shunitha ondjodhi yomuntu monima, okulonga neitulomo nokulongela kumwe oko taku hedhitha oshitalenti shomuntu pombanda. 

LEAVE A REPLY

Please enter your comment!
Please enter your name here