D-Naff a thaaneke okavidio ke Esiku Lyekomando

0
478

KuPinehas Nakaziko

WINDHOEK – Gumwe gwomaahikingalo yoongalo dhopambepo, Naftalie Shigwedha Amukwelele a tseyika nawa moongalo nedhina D-Naff osho a thaaneke okavidio ke okape ta ka ithanwa Esiku Lyekomando, kOmugulugwombashe oshiwike shayi.

Okavidio haka okathaanekwa kehangano lyokuninga uuvidio lyoDessert Film Production, moka aadhani mba yeli mokavidio yali yazala oonguyo dhopethimbo lyiita. D-Naff okwati  epipi lyongashingeyi olya pumbwa okulongwa  ondjokonona yaNamibia yemanguluko naampoka pwa tikila ombinzi yaakwashigwana oyendji. “Ando opwali kaapena ombinzi ya tika ando naD-Naff naye kepo,” D-Naff apopi niitya iishona.

Okwa gwedhapo ta ti okwa kambadhala oku gandja etumwalaka lye kaanona mboka aashona, tashi pitile mokavidio haka Esiku Lyekommando.

Okangalo Esiku Lyekommando  okaza moalubuma ya D-Naff ndjoka ontihetatu, ya pitile muDecemba gwo2013, ta yi ithanwa Eschatology. MuEschatology otamu a dhika nee okangalo ngaashi hoka kotango ta ka ithanwa Meitavelo Otwatokola Ounyuni, Sponono, Oshike Aawambo Mutod’Aakwankala nuukwawo oundji tau inyenge nawa.

D-Naff okwa tseyika nokangalo Oshagwana momumvo 2006, nokwa ninga oomvula omulongo (10) ta imbi oongalo dhopambepo. Mondjila ye yo ku imba okwa sindanamo omakopi ogendji, unene tuu koSanlama NBC Music Award ndjoka ya li hayi ningilwa nale aahikingalo aaNamibia dhingi.

Okavidio ha ka Esiku Lyekommando oka tegelelwa ka ka ulikwe kooRadio Dhomuzizimbe dhaNamibia oshiwike tashiya noko You Yube ishewe.

LEAVE A REPLY

Please enter your comment!
Please enter your name here