Ethigathano lyokumatuka lya Old Mutual mOshakati lyeende nawa

0
216

KuShipi Elago

OSHAKATI – Aanamibia mboka ye na uulema oya li ya mono ompito opo ya kuthe ombinga methigathano lyuudhano Old Mutual Victory Race oshikando shotango mondjokonona yuudhano mbuka 

Shika osha li shaningwa medhingoloko lyotango lyuudhano mbuka mOshakati ehulilo shiwike lyaziko. Omunambelwa Omukuluntupitithi gwehangano lyOld Mutual, Gimi Victor  okwa ti nuumvo Old Mutual okwa adha esindano enene sho a gandja ompito opo Aanamibia mboka yena uulema ya kuthe ombinga muudhano mbuka. Okwa ti otaya ka tsikila noku indjipaleka oompito opo ku kwatelwe mo omwaalu omunene gwaakuthimbinga yena uulema monakuyiwa.

Mutembi Hafeni gOshana Heroes Sport Club oye a kutha po ehala lyotango, omanga Temus Festus naye go kOshana Heroes Sport Club okwe ya pehala etiyali ye Ananias Nuule ngoka a yambukile kOnakayale Sport Club okwa kutha po ehala etitatu moshinano shuule wokilometa ntano.

Hafeni ngoka a kutha po ehala lyotango okwa pandula Old Mutual sho agandja ompito kAanamibia ye na uulema opo ya vule okukutha ombinga yo ya ulike iitalenti yawo. Ta tsu ayehe ye na uulema moNamibia omukumo opo ya ka kuthe ombinga momadhingoloko gahupako moku shininga momiyalu ominene.

Mutembi ta ti ekuthombinga momaudhano ota li kwathele ezulonkalo palutu notali kalekepo uundjolowele nokulelepeka onkalamwenyo yomuntu kehe.

Kakele kaanuulema uudhano mbuka owali wo wa mwenyekwa kaakokele mboka yeli poomvula omilongo ne  sho na yo ya kuthombinga mokumatuka

LEAVE A REPLY

Please enter your comment!
Please enter your name here