Kansela Modestus Amutse ina sa

0
376

KuLoide Jason 

ONGWEDIVA – Kansela gwaShikuku, Modestus Amutse okwa ti ye oku na omwenyo, e li nawa na okwa lalekwa mo nale moshipangelo moka a li a taambelwa konima yoshiponga shohauto omasiku ga ziko. 

Amutse okwa gandja ekwashilipaleko ndika koshigwana ashihe noku ekelahi omapopyo nomutoto tagu taandelekwa kaakwashigwana yamwe kutya aniwa okwahulitha sha landula oshiponga shekandomo lyohauto. 

Nonando aakwashigwana yaShikuku oya kala yena omahokololo taga kumitha kombinga yoshiponga shoka shaningilwe moshiwike sha ziko shoka sha li sha kwatelamo kansela gwaShikuku, kansela yemwene okwa ti okwa li ashike a ningwa okapulukelume ka kwali a ehama unene.

Kansela okwa ti ye okuli nawa no moshipangelo okwa lalekwamo nonando natango okuli mefudho.

Amutse okwa ti ye okwali ta hingi okuza kOshikuku uuka kegumbo pethimbo oshiponga shoka sha holoka. 

Koshikuku okwa yi le ko oku ka longekidha oshigongi ho Swapo.

“Kokuma okwa li nee kwa toka, onda mono oshinima sha luudha mopate ngame otandi mbilike nduno ohauto yandje, nani egulu limwe lyohauto olya topa,” Amutse a ti.

Aakwashigwana oya ti kansela okwa li ta longitha ohauto yomumati gwaandjawo ndjoka a yi na yo moshiponga  omanga ye ena ye ndjoka aniwa ali a kankameka megumbo.

Amutse okwati eeno okwa li ta longitha ohauto ndjoka a li a gandja komumati gwe gumwe ha kala ashike na ye megumbo ashike okwa ninga nee ethimbo ele inee yi hinga na kali nee eshi uunkundi wa yo.

Yamwe yomaakwashigwana oya lundile wo Amutse kutya aniwa okwa li a dhengamo kashona esiku ndyoka, ihe ye okwa ekelehi omapopyo ngoka a ti ye esiku ndyoka okwa li ashike  uuhala megumbo ina enda nando opo kandingosho na omahokololo ngoka ka gena uushili washa.

“Ngame omalovu onde ga ihula nale oomvula ngiika mbali dha pita  naamboka taya ti kutya okwa li nda kolwa, ka ye na uumbangi washa,” Amutse ta lombwele Kundana.

Okwa ti wo kutya okwa kumwa noonkondo sho aakwashigwana yeshi oshindji kombinga yoshiponga she omanga ye a li awike moshihauto shoka.

“Ngaye oshiponga sho sha holoka okwa li ndili awike na kandishi kutya osha keenda ngiini opo omahokololo ga taandele uunene ngawo,” osho  a tsikile ko.

Okwa ti sho a mono oshiponga okwa kalapo ethimbo ele popate mpoka eli oye awike ina pu enda nando omuntu.

 “Okwa ka za nee okahauto okashona kena omumati nomukadhona hoka nda thikameke eta ka fala ndje koshipangelo kOshikuku hoka ndali nda tuminwa koshipangelo shaShakati meendelelo oshoka okwa li nda ehama komutse,” osho wo a hokolola.

LEAVE A REPLY

Please enter your comment!
Please enter your name here