NSK a mwenyeke potonamenda yaNehale

0
171

KuMaria Namupala 

ONAYENA – Ongundu yomakanda ngono haga imbi nokutota oongalo hayi ithanwa North Side Kids (NSK) oya li ya mwenyeke puudhano wa li poNehale mehuliloshiwike lya yi.

Nonande opo ya tameke okwiimba omvula ndjika, ongundu ndjika otayi pula komeho. Oya thikamapo maamati yoomvula dhopokati yeli yahamano. Ohaya kwatele oongalo dhawo po Young King music production mOndangwa.

Chox ngono eli mondondo onti 10 posekundeskola yaNehale okwa ti ohaya nyanyudha unene oshoka ohaya ithanwa yaka mwenyeke piituthi yomavalo pomahala ogendji gomanwino oshowo poosikola ndhono dhili mOshikoto nomOshana.

“Otwa ulika uunongo wetu mehuliloshiwike ndyoka na otatu pandula oshigwana ashihe sho sha li sha holoka  okupulakena etumwalaka ndyonod twe shipe okupitila moongalo,” Chox ta ti.

Max naye ngono eli gumwe gwaahikingalo mbaka okwati nonande kashishi oshipu okukala mehangano lyaahikingalo oyena okukondja ya ulike uunongo wawo ngaashi tashi vulika. “Natu kale tatu gandja etumwalaka tali tungu moshigwana tashi pitile moongalo,” Max ta gwedhako.

Pixxa ngoka a yambukile mIihongo ya Mvula no ye omuwiliki gwayakwawo , okwa tsu omukumo mboka ya pewa iipewa yokwiimba opo ya longithe ompito ndjika ye yi pewa omagano ku Kalunga noku taandelitha etumwalaka tali tungu.

Omakanda ngaka nonande haga kala moondolopa dha yoolokathana ohage shi pondola okutsakanena nokwiimba pamwe. Oya holola kutya natango inaya pititha oalbuma oyi imba owala uungalo ngaashi tambula, giant killer,super hustler, tse atu shata na olye ta shaalapo.

 “ Otwa dhiladhila tu pitithe oalbuma yetu uuna twa tsakudhukwa oshoka owala monooli kamuna oostudio dha gwana ashike otatu kambadhala tu kale twa pititha mbala yo aalanduli yetu taya kala taya pulakene koongalo dhetu ya manguluka” , taya gwedhako ngaa.

LEAVE A REPLY

Please enter your comment!
Please enter your name here