Onkalo yawo ya hwepopala

0
229

KuMaria Namupala

ONDANGWA –  Omukalimo gomo Amilema mOshikandjohogolo Omuthiya , ota pandula unene sho onkalo ndjono yali yemu adha ya hwepopala.

Konima yoomwedhi oonshona lela Meme Ndapewa Eita goomvula (60) okwali a thikitha omakemo ge koshifo shika omolwa onkalo ndjoka yali ya adha egumbo lye, oyali haya kala taya piyaganekwa kiinima megumbo lye, iinima mbyoka oya kala nokuya hepeka komalutu.

Poonkundathana yali yedhi ningi na Kundana  oshiwike shika okwa holola kutya onkalo oya hwepopala ngaa nee tati ihaya tsakanekewe noku mona iinima megumbo lye.

Eita okwa tumbula kutya oyali haya mono iinima iitilithi megumbo nethimbolimwe ihaya kotha nande kwali. Oyali haya uvu omawi taga popi nolundji  ohaya kala ye ga uvite sho taga popi ngaaka. Megumbo okwali a kalamo nokamwanagona ke hono oko ka kala haka uvu omalaka noku monithwa iihuna.

“ Otwali tuli muudhigu unene na kandali ndishi ngele onkalo ndjika onayi ka tyapo hwepo ashike nani oonkondo dha Kalunga oonene okwe tu kwatha na ngashingeyi onkalo yomegumbo lyetu oya hwepopala ngaa nee hewa, otwa kala noku konga omakwatho gopambepo, esiku nesiku otwa kala noku mona aantu tayeya okutu galikanena,” Eita ta ti.

Okwa hokolola woo kutya oya kala noku galikana uusiku nomutenya sigo omagalikano gawo gu uvika na oyeli taya kotha nawa pethimbo  ndika. Eita okwati  molw onkalo ndjoka ya kala tayi piyaganeke okanona  mu Apiilili oyali ya tokola opo yeka tembudhemo megumbo moka noku ka fala kaakwanezimo kOmbalantu ashike nkene ka yile hoka inaka piyaganekwa.

Rosalia Simon  omushiinda sha meme Ndapewa  okwati okwa kala noku kwathela meme Ndapewa momagalikano, ye te mu tsu omukumo opo kaa tyololoke nande. “Oshinima shika oshali oshikumithi na omuntu kwali to vulu okushi taambako unene ngaa sho wu uvite ashike omawi taga popi ndele kushi kutya otaga zi peni , ye naangu ta popi ku mu wete”, ta ti nga.

Meme Ndapewa ota pandula kwaayehe mboka ye mu kwathele muudhigu mbuka wali wemu adha tati Kalunga na yambeke ashihe shoka yena. Ta indile kehe ngoka to ka iyadha monkalo ndjoka yali ya adha egumbo lye wu kale wuna einekelo.

LEAVE A REPLY

Please enter your comment!
Please enter your name here