Ookinda momikunda na dhi tungwe pashinanena

0
144

KuLoide Jason 

OKAKU – Kansela gwoshikandjohogololo shaKatyali Josef Mupetami okwa indile oministeli yUukashike kookantu opo yi yambidhidhe ookinda dhokuushayi okudhi tula pomuthika gwoshinanena.

Shika okwe shi popi sho a li a popitha aanasikola pOnyeka Combined School mboka yali taya tyapula noku dhimbulukwa Esiku lyokanona ka Africa ndyoka lya dhanenwa moshikandjohogololo shaKaku mOmaandaha.

Mupetami okwa ti kutya aanona momikunda oyendji oha ya longelwa kohi yomiti oshoka kayena ookinda dhili pomuthika gwoshinanena.

“Ookinda odhindji momikunda uunene tuu kiitopolwa yokuushayi odha tekapo oshoka inadhi tungikika, ngashingeyi, alikana oministeli yuukakwashike kookantu nayi kwathele aakwashigwana mbaka opo ya vule okuhumitha oonkalo nawa melongo lyuunona,” Mupetami a ti.

Mupetami okwa indile woo oministeli yelongo opo yi tume woo iikulya kookinda dhomomikunda opo dhivule oku telekela uunona omwiha poosikola  wo uunona wu kale wuna oonkondo okwiitulamo melongo.

Oshituthi shika oshali sha mwenyekwa kaanona yo yene mboka yali taya dhana iidhano ya yooloka nosho wo okulesha omahokololo taga tangumuna esiku lyokanona ka Africa. Oshituthi osho tuu shika oshali sha gongalwa kaanambelewa ya za kuuministeli  welongo oshowo kuuministeli wookakwashike kookantu moshitopolwa sha Shana.

LEAVE A REPLY

Please enter your comment!
Please enter your name here