Elelo lyaNgwediva lya fika po Ondhila yandje

0
421

KuLoide Jason 

ONGWEDIVA – Omugundjuka gwepipi lyopokati ngoka a tseyika nawa sho a ndulukile ondhila noshowo omashina gwomaludhi ga yooloka okwa gandja uusama kelelo lyondoolopa yaNgwediva sho anuwa lya hanagula po ondhila ye owina, oshinima shoka shi ikanyunwa kOmupopiliko gwelelo lyondoolopa ndjoka.

Gustuf Sackaria okwa kala e na oshitalenti shuungomba sho ha nduluka iinima oyindji mwakwatelwa oonelomba, omahauto nomadhagadhaga uunene ngoka ha kala taga  hili ookatalekonawa.

“Ondhila yandje okwa li nde yi thigi momake gElelo lyaNgwediva omumvo gwa ziko konima yomaulikilo giipindi, ashike sho nda shuna ko ndi ke yi tale ko ondaadha ya fikwa po,” Sakaria a ti.

Omupopiliko gwElelo lyaNgwediva, Andreas Uutoni okwa ekelehi omapyopyo ngoka ta ti kutya, elelo halyo lya ekelehi ondhila noku yi hanagulapo ngaashi omugundjuka nguka ta hokololele Kundana.

Uutoni okwa ipatana a ti kutya ondhila ndjoka okwa li ya longwa miilongitho yombiliha noonkondo shoka sha etitha opo yi hanagulwe po kombepo noketango oshoka okwali ashike yili pomutenya.

“Tse otwa ninga oonkambadhala adhihe okukwathela omumati ngoka mpoka tatu vulu , ngaashi okumu pa ehala mehala lyomaulikilo giipindi pethimbo lyomauliko giipindi  opo a ulike uunongo we kwaamboka ya hala okumu yambidhidha ashike ngele otati kutya otse tweyi hanagula po, nena mbyoka iifundja iitokele,” Uutoni a ishikumuna oohapu dha Gustuf.

Ashike Gustuf okwati kutya ye okwa li a mona yamwe yoomaatalelipo ya za koGermany ya hala okumu yambidhidha ngele a ulike oondhila ndhoka ha nduluka ihe ina ye ke mu kwathela we oshoka uumbangi ngo a li ena okuulukila aantu mbaka owa hanagulwa po .

“Ngame okwali ashike tandi kambadhala okutula oshitalenti shandje miilonga ashike ngashingeyi elelo lyondoolopa yaNgwediva lya yindje moshipala oshoka, shoka eshunitho monima lyokuhanagula po uunongo womuntu mboka a longa nuudhiginini,” osho Gustuf a nyenyeta.

Omugundjuka okwa ti kutya ye oshinima shika okwa li shemu geyitha noonkondo noshemuteya omukumo gwokutsikila okuulika oshitalenti she.

Ashike Uutoni okwati kutya yo kayena ombepo yoku shunitha aagundjuka monina ashike ohaya kambadha okuya humitha komeho.

LEAVE A REPLY

Please enter your comment!
Please enter your name here