GwAmulungu oye dhingi mOnyaanya

0
257

KuMaria Namupala

ONYAANYA – Oshikandjohogololo Onyaanya osha li sha longekidha omaudhano gopamuthigululwakalo mono oongundu dha yoolokathana no dha za moshikandjohogololo dha li dha kuthombinga.

Isack Elishi omunambelewa kombelewa yomithigululwakalo mOshikoto, okwa ti Oshituthi shika shopamuthigululwakalo ohashi dhanwa aluhe kehe omumvo miikandjohogololo ya yoolokathana nelalakano okuulika uunongo oshowo uunyakwa nokutala mboka haya dhana nawa omithigululwakalo.

“Otwa li twa unganeke opo oshituthi shika shi ningilwe mosekundoskola yUukule mOnyaanya, aadhani yoongundu dha holoka oya ulike uunongo wawo, yo taya ulike yimwe yomiikulya mbyono hayi liwa pamuthigululwakalo gwAawambo,” Elishi ta ti ngaaka.

Okwa gwedha ko woo kutya oongundu odhindji odhali dha kutha mbinga paandondo dha yoolokathana. 

Ongundu ya GwAmulungu ndjono ya yambukile mosekundoskola yUukule oyo yali yeya yotango, sho ya dhengemo oongundu adhihe koonono.

Pondondo yoongundu dhopevi ongundu ya Aune Amalovu ya yambukile kEthikilo oyo yali ya sindanapo ekopi, ta landulwa ku GwaMushimba omanga Pemba Mukweni a thiki puutitatu. Pandondo yopokati, Kooloho Kaashigwana oye a sindana po ekopi, yo ongundu yEfululu lyAangwali ta yiya puutiyali omanga Kalunde eya puutitatu.

Onkatu yo Junior oyali ya sindanwapo kongundu ndjoka yeya yotango sho ya dhana nawa noku dhengamo oongundu adhihe ongundu ndjika oyo Gwamulungu ta landulwa ku Yeluka omanga ongundu ndjono ya yambukile posikola ya Amakali yeya ontitatu. Ekopi lyaagundjuka olyali lya sindanwapo ku Shimana sha Niilonga. 

Elishi okwa ti oongundu adhihe ndhoka dha sindana otadhi ka kutha ombinga moshituthi shono oshinene tashi ka dhanwa pamuthika goshitopolwa Oshikoto. “ Adhihe otadhi kaya momathigathanopo tse tatu tala ngoka ta dhengemo yakwawo ayehe muudhano womithigululwakalo nokuulika iiyulikomwa yawo”, Elishi ta tsikileko.

Okwa tsikileko woo tati oya dhiladhila oshituthi shoka shopashitopolwa shi ka kaleko muJuly, tashi ka dhanenwa koshikandjohogololo Okankolo. 

Elishi ta indile oongundu adhihe dhi itulemo miidhano yopamuthigululwakalo  yo ya simaneke oonkuluhedhi dhookuku yonale. 

Okwa indile ayehe mboka yena oongundu dhawo inaa ye dhi shangitha ya kale yedhi shangitha, opo ya ka kuthe ombinga miidhano yopamuthigululwakalo omumvo ta guya. 

Yo ya tale nkene omithigululwakalo hadhi kala.

LEAVE A REPLY

Please enter your comment!
Please enter your name here