Ita ndi imbi we – Shikololo

0
271

KuPinehas Nakaziko

WINDHOEK – Nonando omwaalu gwaahikingalo aaNamibia ota gu ende tagu londo pombanda esiku nesiku, yamwe yomaahikingalo mboka ya tamekele oku imba  manga omavi gali omayamba otaya ende taya shongola, nomawi gawo ihaga uvika we nokuli ngele tashiya mewangandjo nenge tutye moshitopolwa shomainyanyudho gomoshilongo. Oshifo Kundana osha li  sha yi moonkundathana nagumwe gwomaahikingalo mboka ya kala noku imba nale, noya kuthwa ko koyendji onga omakuya ga ka nale ashike mongashingeyi oyan mwena po thilu. Shikolo okwati ethimbo lye lyokuninga oongalo osho lya thikana pehulilo na itaka imbawe. 

“Ondiwete kutya oshilonga shandje shokugandja etumwalaka lyandje osha thika pehulilo no itandi ka imbawe nando okashona, shagwana, shalongwa oshapwa,” Shikololo ta ti niitya iishona.

Shikololo oye gumwe gwomaahikingalo mboka ya etha oku imba omolwa oompumbwe dha yoolokathana, nokuunyengwi mboka wayi uunongo wawo moshipala.

Shikololo okwa kala noku imba nokwa ningaa oomvula dha adha pomulongo nantano ta imbi oongalo dhopamuthigululwakalo, naandhoka dhomapendafule. 

Okwa tseyika nokangalo ke hoka Bota, kali ha ka dhana onkandangala uunene tu oomvula dhaka pita.

Oalubuma ye yahugunina Ekondombolo oya yapitile mo2010 moka mwali tamu adhika uungalo ngaashi Omwahalelandje Shike nEkondombolo.

LEAVE A REPLY

Please enter your comment!
Please enter your name here