Janine Simataa oye ethamba dhingi lyaNehale

0
218

KuMaria Namupala

ONAYENA – Janine Simataa ngono eli omwiilongi mondondo ontimugoyi mosekundeskola yUukule, oye ali a sindanapo oshishani shokakadhonadhingi shedhina Nehale Tournament.

Janine okakadhona ka yambukile mOndangwa yaShinime Shiivula. Okwali a dhengemo ayehe nokwi ikutha kohi sho a mono kutya ayehe mboka yali methigathamo lya Miss Nehale tounamend itaye mu vulu mokustapa.

Okakadhona dhingi haka oka holola kutya shino hasho oshikando shotango ta ka kuthombinga momathigathano goludhi nduka, oha kutha woo ombinga kosikola yawo kUukule hoka ali a ulikwa onga okakadhona dhingi moshilongwa shuunongononi (Ms Science), okwali woo a kuthombinga methigathano lyokakadhona dhingi koseko ya Haudano kOmusati hoka nako ali a sindana.

Iyaloo Shiimi aza koseko ya GT okwali a sindanapo oshihako sho first princess oshowo omukadhona hoopala momathano omanga Hilma Mathews naye goko GT a yambulapo oshihako sho 2nd princess. Nonande aanaskola yomoNehale yali ya kuthombinga mokakadhona dhingi kuudhano mbuka oyali ya dhengwamo koosikola ndhika.

Simataa okwati kashali oshipu okusindanapo  oshishani shokakadhona dhingi ashike okweshi pondola. Okwa indile ayehe yena ehalo okukutha ombinga ya longithe iitaalendi ye yi pewa ta ti esindano otaye li mono ashike ngele yena omukumo. Ta gwedhako kutya okuna ehalo nedhiladhilo a ka kuthombinga mokakadhonadhingi ka Namibia monakuyiwa.

Oontana dhanelende dhili omugoyi (9), dhaza koosikola dha yoolokathana odhali dha kutha ombinga mokakadhonadhingi hono ka ulikwa pethimbo lyuusiku.

LEAVE A REPLY

Please enter your comment!
Please enter your name here