Omindamba Part 3 otadhi ka pita mbala

0
213

KuMaria Namupala

ONAYENA – Max Msati, ngono a tseyika nawa nedhina Mbandeka oye gumwe ngono ha dhana uumuvi, mbono wu holike kaakwashigwana.

Mbandeka  okwa yambukile mOnayena no ha kala ngaashingeyi koWalvisbay hono oko ha longele, ye mwene okuna uunongo wokudhana iinyandwa yomaludhi ogendji. Pethimbo ndino Mbandeka okwa pititha uumovi ngaashi uukodhi, iihuna mono ta ulike nkene aasamane oyendji momagumbo haya kala noku monithwa iihuna kaakulukadhi.

Okwa pititha woo omindamba ontopolwa yotango (Part 1) nontiyali (Part 2). Omindamba part 3 otadhi ka kala dha pita pehulilo lyomwedhi nguka. “Monakuziwa otwa kala hatu uvu omahokololo kombinga yomindamba osho hatu uvu aantu taya li uuhuli nosho tuu, onda kwatwa kedhiladhilo opo ndi dhane kombinga yomindamba ngame ndi kumagidhe aakwashigwana ya kale ya kotoka,” ta ti nga.

Ye mwene muu movi we olundji oha dhana naantu yopomudhingoloko gwaNayena. “Ondina ohokwe oku dhana iinyandwa yoludhi nduka ngame tandi  pula aali yomandamba ya hulithepo omukalo nguka oshoka otuuvite omahokololo goludhi nduka taga inyenge koombinga noombinga”, ta tsikileko.

“Nonande ndili omulongi keithano shino itashi shunithandje monima, oshoka onda hala ndi longithe uunongo mboka nda pewa ku Kalunga ngame tandi ulukile oshigwana omagano ngoka ndapewa komushiti,” Mbandeko ta popi.

Okwa ti okwa kwatwa kohokwe yokudhana iinyandwa mo 2010 mono omo a pititha okamovi ke kotango. Tati kashali oshipu petameko ashike sho a igilile oshe ke mu ningila oshipu oku kala a dhana iinyandwa.

Mbandeka tati okuna ohokwe nehalo oku kwathela aagundjuka mboka yena uunongo opo ya vule okuyambulapo oonkalamwenyo dhawo yoyene. Okwa holola kutya ngashingeyi ota kwathele omusamane Talanawa gokoVenduka opo a pithe oalbum ye. Okwa indile kehe ngoka a pewa oshitalenti opo eshi longithe manga ethimbo inaali pwa po.

Uumuvi mbuka otawu ka monika pomahala agehe ngoka haga landithwa iinima ya nika uungalo , ta uvaneke kutya pehulilo lyomwedhi nguka kehe ngoka eka hala ota vulu oku ka imonena.

LEAVE A REPLY

Please enter your comment!
Please enter your name here