Omunasikola a tsu omulongi nosikulufu metako

0
201

KuLoide Jason 

ONGWEDIVA- Aanasikola 20 yomoRuacana Vocational High School oshiwike sha ziko oyali ya tidwa momuhandjo pakathimbo sho ya adhika ya homata iilwitho oyindji pethimbo lyoshikonga shokuhadha sho momuhandjo gwosikola.

Gumwe gwoonzo dhuuyelele a inekelwa nawa kuKundana okwa ti kutya, yamwe yomaanasikola mosekundele moka iha ya uvuko, na ohaya yi niilwitho kosikola momasiku ashike ngoka gaziko  gumwe  gwomaalongi yaalumentu mosikola moka okwa li a ya koshipangelo sho a tsuwa ketako nosikulufu ku gumwe gwomaalongwa mboka yali taya lwithathana.

Anuwa omulongi nguka okwa li ta kambadhala oku hangukununa aanasikola yaamati mboka yali ta ya kondjo  ashike gumwe okwa tokola opo a ehameke omulongi opo keeya kuthe kumwe yo ya kondje nawa.

Ashike Kundana okwali a hala okuuva nawa  kuThomas Nakale ngoka oye eli kakukutu kosikola yaRuacana shoka tashi inyenge mosikola ye, ihe Nakale okwati kutya ye iha gandja oonkundathana mongodhi oshoka anuwa keshi kutya elalakano lyomutoolinkundana nguka olya shike.

“Ngele owa hala okuuva nawa shuna ku ngoka eku lombwela uuyelele mboka opo eku lombwele nawa, nenge ila naye kosikola huka ku ngaye oshoka okwafa ena uuyelele wa gwana moshinima shoka,” Nakale osho a yamukula ngaaka.

Nakale wo tuu ngoka ali mbela ewete ta ningilwa nayi ku Kundana okwati kutya ye kena ethimbo lyokupopya nenge lyokutyako sha koshinima shoka, na ina pa Kundana ompito yokumupula kombinga yiiningwanima ayihe mbyoka ya ningwa posikola ye uule womasiku gayi.

 Nonando osha kala omukalondjigilile okuhadha omihandjo dhosikola uunene komihandjo dhaamati, nuumvo moRuacana omwa adhika aalumentu yeli  20  yena iilwitho ya yoolokathana momuhandjo.

Omupehakuluntu gwelongo moMusati meme Loide Shatiwa okwati kutya ye naye okwa lulilwa kaanasikola yaalumentu yahomata moosikola tati kutya anuwa aanasikola yamwe oyali nokuli ya adhika noondjembo.

“Aanasikola oya homata nayi , na ka shi shi ashike moRuacana, yamwe yomaanasikola oyali ya adhika nokuli yena oondjembo ndhoka kushi kutya oye dhi kutha peni,” Shatiwa ati.

Meme Shatiwa okwati kutya ye keshi kutya elalakano lyaanasikola okukala ya homata olya shike.

Ashike aanasikola mbaka oya tulwa manga pevi uule womasiku 14 omanga omakonaakono tagapu.

LEAVE A REPLY

Please enter your comment!
Please enter your name here