Ongundu yoVorticella ya shaina etsokumwe noM-Records

0
314

KuPinehas Nakaziko

WINDHOEK – Ongundu yaaimbi aagundjuka mboka ha ya imbi yatatu yedhina Vortcella ngashingeyi oye li kohi yewilikongundu lyoM-Records.

Ongundu ndjika yomuhikingalo ngoka a tseyika nawa Mushe. Euvathano lyawo lyoomvula mbali olya li lya tulwa miilonga oshiwike sha piti no tali ka tseyithwa pambelewa oshiwike shika.

Ovorticella kohi yewiliko lyoM-Record ota yi ka pititha ne okangalo kawo kotango Move, moka taya ka kwathelwa kuMushe, noka tengenekwa ka pite kuyele omwedhi taguya, oshita pamwe noalubuma yawo Spechless ta yi kapita muSeptemba.

“Molwombepo yuumwayinathana, okulongela kumwe nokwaa shuna omutse miipeta, ongundu yetu otayi pula komeho na otu uvite etumba sho tuli kohi yewiliko lyoM-Records notu shishi kutya otatu ka ninga oongalo dhopomuthika gopombanda muuyuni. 

Otuna nokuli nekwatathano noSwanzy Music Network yokoGhana, ndjono yamana okupwilikina oalubuma yetu Omanyakwa notatu kalonga nayo oshoka otwa hala tu andjakaneke noku ulika uunongo wetu menenevi lyAfrika,” Ramcy gumwe gomiilyo yoVorticella ta thamuna ngaaka.

Omusindani gomapapa goongalo moNamibia Mushe mwene goM-Record naye ota koleke wo oshinima shika. “oVortcella oya adha ndje pethimbo ewanawa lela, notwa kuutumba nayo oshoka omafuma omanene ohaga zimi. 

Nohokwe yokulonga pamwe nayo, oya mene mungaye sho nda pulakene oongalo dhawo dhongushu nodha hikikika. Aamati oyo tuu mbaka otaya ka imba muungalo wandje womoalubuma tayi landula ndjono tayi ka ithanwa “The Truth of Chapter 4” shono tashi ka kala wo oshiwanawa kuyo okutseyika moshilongo,” Mushe ta ti.

LEAVE A REPLY

Please enter your comment!
Please enter your name here