Opaati yopokufu Zambia ta kondjitha Namibia poKatima Mulilo

1
303

KuClemence Tashaya

EENHANA – Etitano ndika poKatima Mulilo otapa ka uvika omainyengo gomusika sho aahikingalo aaZambia taya ka talelapo oshilandopangelo shoshitopolwa sha Zambezi. Aahikingalo mbaka oyo  Mukubesa Mundia gwokoLusaka, na Peter Zagaze .

Pahapu dhomulongekidhi gwopaati yopokufu ndjika, Sylvester Simubali oshowo yoongalo ndjika ya lukwa “Zambia versus Namibia” otamu ka imbwa wo kaa imbi opo ta ye ya, ya za moshitopolwa shoka yoo Topsy Kim Scooter, Besly Mukasa na Short Khilla.

 “Opaati ndjika otayi ka ulika wo omuNamibia gumwe ena oshitalendi mokutulako oongalo noku imba wo ngaashi hashi ithanwa DJ, ye nguka okwa tseyika nawa nedhina DJ Siya ngoka iimba ongalo yedhina  “Sigeje”.  Otwa hala okuhumitha komeho iitalendi iipe sho, osho twa tulilemo aahikingalo aape momauliko gomusika ngaka opo mbaka ya ulike uunongo wawo opamwe na Petersen Zagaze,” Simubali a popi. 

Omvalele ya  Zambia Petersen Zagaze okwa tamekele okwiimba omumvo 2002 oshowo ongo omushangi gwoongalo, nomwiimbi a tseyika nawa moshitunda shaandjawo.Okwa shanga noku imba ongalo ndjoka yi shiwike nawa moZambia yedhina Goodnight ya imbwa kongundu yedhina Ba Crazy.

Okushanga kwe iiyimbo okwe mu simanekitha koyendji mboka ya kala noku mu konga opo eya shangele omaimbilo gawo .

Oalubuma ye yimwe oondjoka hayi ithanwa  “Makwebo muChurch” mu na eimbilo lyedhina “Rain Season” noshowo “Bombay style” oongalo ndhoka dhi holike mo Katima Mulilo.  Oongalo oonkwawo ndhoka dhe mu simanitha ongaashi  “Munyaule” naandjoka yongashingeyi opo ya piti yedhina  “Sefula Boy”.  Mo Namibia, Petersen Zagaze okwa imba nokulongela kumwe na DJ Siya na DJ Kboz noshowo nongundu yaahikingalo ndjoka ya hulapo ngashingeyi yoGal-Level.  Oya imbile nokupititha ongalo yedhina “Ushimbe”ndjoka hayi uvika  mooradio dha Namibia.

Zagaze okwa ti yo ota ye ya koNamibia okupandula aayambidhidhi yawo mboka haya landa omusiki yawo na okwa uvaneke kutya otaya ka imba tagu pumo opo ya nyanyudhe aapulakeni yomusiki yawo moKatima Mulilo oshowo mboka taya ka holoka poshiithanene shoka okuza kiitopolwa yilwe.Okwa uvaneke kutya oshiithanene shoongalo shika otashi kala hashi ningwa omumvo kehe pethimbo ndika lyokufu.

 “Osheendo shetu otashi ya koKatima Mulilo ongo omukalo okugalulila aayambidhidhi yetu uuwanawa mboka yo yetu ningile sho haya dhana oongalo dhetu nokudhi pulakena woo. Ondu uvite enyanyu okukwatakanithwa nayo, na otandi ya uvanekele kutya otapa ka kala ontsi ya tsima oshoka omusiki oondjoka yoonote dha dhenga pombanda,” Zagaze osho a kwashilipaleke aaholingalo ayehe moZambezi.

1 COMMENT

  1. Cool blog! Is your theme custom made or did you download it
    from somewhere? A thsme like yoyrs with a few simple adjustements
    would really make my blog jump out. Please
    lett me know wheree you got your design. Kudos

LEAVE A REPLY

Please enter your comment!
Please enter your name here