Osikola ya Gabriel Taapopi (GT) ya sindanapo ekopi

0
230

KuMaria Namupala

ONAYENA – Osekundeskola ya Nehale oyali ya unganeke uudhano mbono wa ningwa ehuliloshiwike lyaziko.Konyala oosikola dhomoshitopolwa Oshikoto oshowo Oshana, odhali dha kuthombinga momaudhano ga yoolokathana.

Uudhano mbuka owali wa ningilwa pokapale kuudhano mosekundeskola oyo tuu ndjika. Simon Mvula ngono eli omulongiskola poNehale na okuli gumwe gomaaunganeki yuudhano mbuka okwati oosikola odhindji odhali dha kuthombinga muudhano ngaashi etanga lyomokambamba lyaakadhona, ovolleyball oshowo etanga lyokoompadhi (soccer).

Oskola ya GT oyali ya sindana omakopi gaali motonamenda muka, metanga lyokoompadhi osikola ndjika oyali yadhana sigo ota yiyi komunute gwahugunina, oyali taya kondjele onkatu yotango shono yali ya dhana nosikola yaHansa Daniel Namuhuja.

 Oya dhenge oHansa nookoola ne monola nokusindanapo ekopi ndika lyetanga lyokoompadhi oshowo N$1000.Hansa Daniel Namuhuja okwali a sindanapo onkatu ontiyali ta pewa N$600 omanga Iipundi ya etelele okano eta yi pewa N$400.

Osikola ndjika oyali woo ya sindanapo ekopi lyetanga lyomokambamba lyaakadhona nooN$600, sho yeshi pondola okudhana noosikola adhihe dhali dheya kuudhano mbuka nokuulika uunyakwa wawo sho ya dhengemo oosikola adhihe ndhoka yali taya ningi oompata nadho. Uukule okwa li eya ponkatu ontiyali nokwa sindanapo N$450 omanga oNehale yeya puutitatu etayi sindana ooN$300.  

LEAVE A REPLY

Please enter your comment!
Please enter your name here