Otonamende ya Ngoloneya Sampofu ya fumvula iitalendi

0
177

KuGeorge Sanzila

KATIMA MULILO – Omanongelo gahetatu gopevi moshitopolwa shaZambezi oga li methigathano okukondjela iishani muudhano wakwashilipalekwa kuNgoloneya gwoshitopolwa shoka,  Lawrence Sampofu omasiku gapiti. 

Uudhano mbuka waadhani yokohi yomimvo 13 owa li wa dhanenwa pokapale kuudhano kondoolopa yaKatima Mulilo no wa li wa hili oosikola dhopevi odhindji ndhoka dha li dha tumu oospana opo dhi kuthombinga metanga lyokoompadhi naandyoka lyomokambamba.

Pethimbo Ngoloneya Sampofu a gandja omakopi noombandi dhesindano kaadhani mboka yasindana okwe ya dhimbulutha kutya uudhano owa simana oshoka ohawu hanganitha aantu, ohawu panga na ohawu nawapaleke onkalamwenyo yomuntu .

“Uudhano owa simana omolwashoka otawu ndjangeke omuntu. 

Otawu vulu wo okukala iilonga yomuntu monkalamwenyo nenge onzo yomboloto yoye monkalamwenyo unene tuu kwaamboka yiitulamo.

Omumvogu ondali nda pulwa kehangano lyomaudhano moosikola dha Namibia, nokulombwela ndje kutya osha pumbiwa okukonga iitalendi mokati kaagundjuka. 

Uudhano mbuka owa holola iitalendi mbyoka,’ Sampofu a ulike.

Okwa uvaneke kutya otonamende ndjika yaagundjuka otayi kala hayi ningwa omumvo kehe nokwa kumike aanasikola mboka ya li puudhano opo wo yi ilonge nawa iilongwa yawo oku adha ondondo yontseyo ombwanawa. 

“Otandi pandula olutu loku wilika uudhano momanongelo gaNamibia[Namibian Schools Sports Union (NSSU)] omolweitulemo lyalwo muudhano moshitopolwa.

Omolwashika omumvo tuuka otandi ka tulapo ishewe, sha opo tu tyapuleni uudhano moshitopolwa natango,” Sampofu uuvaneke.

LEAVE A REPLY

Please enter your comment!
Please enter your name here