Ovahangwena ovotete tava hoolola neshina

0
151

Komutoolinghundana

 ONGWEDIVA – Omolwa efyo lakansela woshikandjohoololo Ohangwena moshitukulwa shaHangwena Maria Kombwana oo a xulifila moshipangelo shaMedi Park mOngwediva muMai 5, 2014, ewiliko lomahoololo moshitukulwa shaHangwena, ola tokola ku ningwe omahoololo a wedwa po moshikandjohoololo  muAguste 2014. 

Omunambelewa omukwateli komesho mehongopukululo lomahoololo moshitukulwa shaHangwena, Ndinomwene Muahafa okwa shiva keshe ou a wanifa eedula 18 moshikandjohoololo Ohangwena e na okakalata komahoololo e uye kepukululo lehongo lomahoololo ngaashi tashi ningwa pomikunda momafiku a yooloka. Elongopukululo lovanamebelewa vokomisi yomahoololo lihe na olwaamambinga tali longo ovakufimbinga mehoololo kwaaveshe ve li ponhele tapa ningilwa eetundipukululo fiku olo. 

Ehongo lavo ola yooloka kwaali leengudu deepolitika shaashi ovanambelewa otava yandje oshihopaenenwa  shokutambula ko ovanhu aveshe ve ya kepukululo.  Eengudu deepolitika ode li shangifa ku ka kufa ombinga mehongopukululo olo tali ka xula momafiku 6  Juli, 2014, na keshe momukunda omwa tofwa eemhito dehongopukululo lwoikando ivali mefiku.

Oikonga oyo ya tameka momafiku June 18, 2014 pombelewa yakansela moshikandjohoololo shaHangwena otai i  fiyo omuJuli 6, 2014.

 Oshikando shotete mondjokonona yaNamibia ovakufimbinga mehoololo tava hongwa okuhoolola neshina lokuhoololifa, tali longifwa momahoololo a wedwa po moshikandjohoololo Ohangwena sho osho oshikando yoo shotete moshilongo.

 Eshina lipe lokuhoololifa ola eta po eyooloko momukalo ukulu womahoololo eshi itaku ka longifwa vali  okambapila “ballot paper” kwa  li hashi pula ondilo okunduluka po oumbapila ava she li kolelela komwaalu wovakufimbinga mehoololo, noshali hashi  pula ondjila ile okukwatela mo ovanambelewa vopolifi hava pashukile etumbo nefindikilo loipakete yeembapila domahoololo domaludi mwa kwatelwa “neeballot Boxes” okuya  komandiki manene .

Eshina ohali longo noupu to denge opo pe na ongudu wa hokwa ku  hooloola konima to denge opo  to ulikilwa shi holole kutya owa mana ku hoolola, omukufimbinga mehoololo ita pewa vali okambapila kokuhoololifa  ndee ondjila yehoololo oya tetwilwa, shikwao nevalulo lokeenyala ola xula po shaashi mokuhoolola eshina otali tula omivalu kumwe,  nopexulilo lefiku ovanhu eshi va mana  ku hoolola  eshina oli na apa hali dengwa nokuyandja etulokumwe lomwaalu wovakufimbinga momahoololo. 

Oshiwana otashi kumaidwa shi fike komapukulo omahoololo, nomoku uda ko  konima yomahoololo itapa ka kala omawi a nyonauka ilo taa kupulwashi, noidjemo ponhele opo ngee ovanhu va mane ku  hoolola otai ke ya diva meni lovili hangaashi nale. Kakele natango yoshikandjohoololo ashishe nayo otai tulwa kumwe mefimbo lixupi shama omauyelele aeshe oshikandjohoololo a ongelwa.

Ovanyasha kufeni ombinga mu ninge ondjokonona yokuulika eshiivo ku lesha , mu ulike oidjemo kutya omwaalu wovanhu ava ve li shangifa mehoololo ou fike pwaavo wa kufombinga mehoololo notashi tu  omukumo okomisi yelongo lomahoololo kutya,  oya longa oshiwana shi ude ko elongifo leshina lokuhoolifa. Oshiwana otashi tuwa omukumo  kutya: Ka hoolole ewi loye otali ti sha!

LEAVE A REPLY

Please enter your comment!
Please enter your name here