Uudhano woBeach volleyball mOngwediva

0
208

KuShipi Elago

ONGWEDIVA – Ewilikongundu lyuudhano woVolleyball lyokuumbangalantu  olya uunganeke uudhano wokomunkulo-futa mOngwediva nando kamuna efuta mehulilo shiwike lyaziko. Uudhano mboka haudhanenwa olundji pehekevi lyokomunkulo-futa ngaashi wa tseyika nawa (Beach Volleyball) nani ota wu vulu woo okuningilwa naampoka kapuna efuta.

Amushanga omutiyali gwo Far Northern Volleyball League, Martin John (Whitemen) okwati shika osho oshikando shotango omumvo nguka okuunganeka uudhano mbuka, koshitopolwa sho konooli. Whitemen okwati hamukunkulo-futa awike tagu vulu okudhanenwa uudhano mbuka, ashike kehe mpoka puna ehekevi olindji otapu vulu okudhanenwa uudhano mbuka. Okapale mpoka pwadhanenwa uudhano mbuka mehuuliloshiwike lyaziko okwali ka hololwapo ku mwene gwongesefa yoVivri Exclusive mOngwediva ngoka ali a tutilemo evi opo okapale keye pomutungilo gwevi lyokomunkulo-futa. Whitemen okwati otaya longitha uudhano mbuka oku eta ohokwe yuudhano wo Vollyball moshitopolwa, okweeta aadhani aakulu naamboka aape pamwe yo ya inyanyudhe wo. 

Tati ekuthombinga muudhano woBeach Volleyball  otali gandja ompito kaantu oohandimwe opo ya humithe komeho uunongo wawo wetanga lyoVolleyball . Uudhano mbuka ohaudhanwa kaantu yaali kombinga tati shika ota shipe aadhani ompito opo yavule okwiilonga okudhana pomahala gayooloka mokapale. Konyala Oosipana dhooTate dhithike puhetatu nodhooMeme dhili ntano odhali dha kutha ombinga muudhano mboka waliko uule wesiku limwe mehuliloshiwike lyaziko. Muudhano wootate Zola na  Mwita oyo yali yasindanapo uudhano mbuka taya landulwa ku Stephen na Thinus, na Joel na Paul oyeya pehala etitatu Omanga kuudhano womeme Paulina na Anna oyo yasindanapo uudhano mbuka. Whitemen okwati uudhano mbuka otawu ningi haukalako lumwe kehe konima yomweedhi mbali na otawu kala hawu dhanenwa mOngwediva nOndangwa.

LEAVE A REPLY

Please enter your comment!
Please enter your name here