Uudhano woshigwana wOmupembe gwaNdema pUupindi

0
429

KuShipi Elago

OSHAKATI – Aakalimo yomondoolopa yaShakati oyali ya mbombolokele poKambwa Bar mUupindi nokutala ongundu yomakanda ndjoka hayi dhana Uudhano wopamuthigululwakalo Omupembe metihamano lyazIko.

Ongundu ndjoka ya yambukile komukunda Iikokola moshitunda shUukwaluudhi  oyili mewiliko lyaJohn Makaya ngono eli omudheuli nomukwatelikomeho gwosipana.

Enyanyu ndyoka lya li  poKambwa Bar sho Omakanda taga nuka Omupembe olyali livule lyaMbishi megumbo mwatselwa oshoka aamati oyali taya ningi iikumithalonga.

Ongundu oyali ya eta po konyala iidhano yi li omulongo, naashika oshali shafuula aatali mboka yali ya yi moondjato nokuumba ongalo pethimbo aamati taya nukathana okuulika olupandu oshoka ongundu ndjika oya li shili tayi ya mwenyeke.

Makaya okwati uudhano mbuka owu li wumwe womuudhano wopamuthigululwakalo mboka mongashingeyi tawu liwa oshipungo. 

Ta tsikileko tati ngele Omupembe itagu etwa koshigwana nena okuna uumbanda kutya pamwe otagu kakana nomapipi tageya itaga ka tseya sha kombinga yuudhano mbuka.

Otati uudhano mbuka konyala ihawu tseyelwa mombanda oshoka owuna okuwu tamekela pomimvo dhopevi elela, tati uunona owa pumbwa okulongwa uudhano watya ngeyi opo ku humithwe komeho oonkuluhedhi dhoshitunda.

Makaya okwati elalakano lyokuunganeka uudhano mbuka oya hala okupendulapo omupembe noku kumika aantu opo yakale yena ohokwe yOmupembe gwaNdema.

Okwa ti uudhano mbuka oye wu thigulula kaanongo yOmupembe  ngaashi Sakaria Makaya, Sema Simon, Amunyela gwaShamena, Shoombe shaShamena nooyakwawo oyendji mIikokola.

LEAVE A REPLY

Please enter your comment!
Please enter your name here