Aaniimuna otaya tumbaleke CBNRM

0
150

KuLoide Jason 

OSHAKATI- Aanafaalama yiimuna monooli oya tumbaleke ehangano lyoCommunity-Based Natural Resource Management (CBNRM) kutya olye ya longa iinima oyindji unene tuu okulithila iimuna mumwe. 

Aanafaalama mbaka oya li noshigongi mOshakati moka ya kundathana uuwanawa nuuwinayi wuulithilo womumwe momikunda oshiwike shaziko .

Gumwe gwomaanafaalama mbaka ngoka a popi na Kundana okwa ti ngashingeyi oha ya lithile mumwe iikombo noongombe opo dhi pulule evi paunongononi nomakondo gadho.

Okwati kutya ngele iimuna ya napa pehala limwe nena otayi napa po ashike uule wethimbo efupi yo aanafaalama ta ye yi lundululile pehala limwe li ili opo kaayi gugule pehala limwe.

Oyati kutya oprograma ndjika ngashingeyi otayi kwathele opo evi lyaa heguke lyo lyaakungululwepo komvula , ihe omeya ota ga kankama pehala mpoka, taga hiti mevi sigo omwiidhi tagu tutuma opo iimuna yi wape okunapapo woo oshikando tashi landula.

Okwati wo kutya ngashingeyi otaya litha aniwa paunongononi na onkalamwenyo yawo oya nawa pala.

Omusamane Got-Pen Hailonga Hamweenye okwa kumagidha ya kwawo mboka yeli moprograma ndjika yuusita womumwe opo ya ye komeho nomukumo nelongelokumwe olyo lya simana unene oshoka uuna ya tsa kumwe yamanamo nena pehulilo lyesiku otaya ke enditha iinima ayihe nawa. 

LEAVE A REPLY

Please enter your comment!
Please enter your name here