African Stars ya dhana uudhano wayo nOrlando Pirates

0
160

KuCarlos Kambaekwa

WINDHOEK – Ospana yetanga lyokoompadhi yomoKatutura, African Stars oya dhana uudhano wayo nospana yo FNB Orlando Pirates, mboka wa li inaawu hulithwa nawa petameko lyoliha yoMTC nuumvo.

Uudhano mbuka owa li wa ethiwa esiku ndyoka molwashoka olusheno momudhingoloko gwokapale ka Sam Nujoma Stadium oga li ga dhimi.Pethimbo ndyoka eyalulo olyali ookoola 2 -0 muuwanawa wOrlando Pirates. 

Uudhano mbuka sho wa dhanununwa Etitatu oshiwike shika kapena ospana ya tulamo okoola, onkene mbuka owa hulu konima yominute hetatu ndhoka dha li dha gwedhwako nookoola 2-0 muuwanawa wospana yOrlando Pirates.

Ihe ashike konima yuudhano mbuka sho wa pu okudhanwa, ospana yoAfrican Stars oya ulike okwa uva ombili kwayo molwashoka 

Anuwa ospana yo FNB Orlando Pirates oya dhanitha omudhani ngoka ali keena uuthemba okudhana muudhano mbuka.

Omudheuli gwo African Stars Woody Jacobs okwa ti omudhani Merwyn Areseb okwa li a kuthwamo muudhano mboka wa dhanenwe tango, onkene kali we ena okupitikwa opo a dhane muudhano mbuka wu li ashike etsikilo lyaa mboka wa li inaa wu thika pehulilo ngaashi sha li shina okukala. Ihe omudheuli gwo Orlando Pirates, Ali Akan okwa ti oshinima shoka kashi na uushili wa sha.Ngele ospana yOrlando Pirates oya monika ondjo moshinima shika, ndjika otayi k a kuthwa iitsa itatu yuudhano mbuka naashika otashi ka pa African Stars ompito opo ye pehala lyotango moliha yoMTC Premiership.

FNB Orlando Pirates oye a li komeho nookoola 2-0 pethimbo lyuudhano womomasiku 16 Apilili 2014 sho mbuka inaa wu hula we pa landulathano molwashoka olusheno momudhingoloko aguhe popepi nokapale ka Sam Nujoma olwali la dhimi.

Iizemo yuudhano womEtitatu ota yi ti ospana yo African Stars oyi li pondondo ontiyali momusholondondo gwoliha yoMTC Premiership ya landula ndjoka yo Black Africa. 

Ihe ospana yo BA ita yi vulu natango okutyapula esindano lya yo lyoliha molwa omupopy kutya omudhani gwOrlando Pirates okwa dhana omanga a li keena okupitikwa a dhane muudhano mbuka.

Olutu lwewiliko lyuudhano lyaNamibia ano oNPL olya li lya tokola kutya uudhano mboka nawu dhanwe ashike ominute hetatu ndhoka dha li dha hupako. Nonando African Stars ka ya li ya hala shika shi ningwe na oya li ya ti uudhano nawu dhanwe ashike  uule wominute 90 ngaashi omautho go FIFA taga ti.

LEAVE A REPLY

Please enter your comment!
Please enter your name here