Egandjo lyiikoloni kaahikingalo yomonooli

0
157

KuPinehas Nakaziko

WINDHOEK – Konyala konooli okuna aahikingalo yadhenga mbanda noyena uunongo tawu hokitha, ashike uunongo wawo ihawu pula naana komeho omolwa endangalati enene lyompumbwe yoshimaliwa.

Omukundu nguno ogwa pendutha aaholi yoongalo yomonooli Pewuyohamba Sucess Dasilva oshowo Johaness Choice Namuya opo ya totepo omapapa gaahikingalo yomonooli ngono ta ga ithanwa 065 Annual Music Award (065 AMA). 

Elalakano okuyambulapo iipewa yaahikingalo monooli noku kala wo yi imonena sha oku ziilila muunongo wawo shono shi li oshinima shapumba kaahikingalo uunene tuu mba opo ta yeya. 

Omapapa oga kwatelamo uukategory omulongo 14 (14) mono omusindani kehe ta ka sindana oodola koomuma N$10 000, kakele kokategory kOmuhikingalo dhingi ngono taka sindana 10 000 oshowo ompito yokuningilwa oalubuma ayihe yuudha.

Oofoloma dhomaishangitho odha pitile Omaandaha ngaka nesiku lyahugunina lyomaishangitho otali ka kala 22 August 2014. 

Ofoloma oyina ne oodola 50 adhike kehe mocategory mono omuhikingalo ahala okukutha ombinga.

Omadhina gaahikingalo gatano kehe mokategory mba ya udhitha noye shi pondola okukutha ombinga otaga ka zamo mo mo25 August 2014 notashi kaningilwa mumwe nuulalelo wowina kEkamuti Town Lodge mOndangwa.

 Da Silva okwa ti shika otashi ningwa opo shi gandje ompito ombwaanawa kaayambidhi yahogolole oongalo dhaahikingalo yawo no taya hogolola iikando oyindji ngaashi taya vulu. 

Omukuthimbinga nakale avalelwa ,ye omukalimo gokonooli nande hako halongele nenge ha sikola, nakale inaa kutha nale ombinga momapapa omanene ngaashi oNAMAs, ye nakale wo akwashilipaleka kutya oye mwene gongalo takutha ombinga nayo.
Aahikingalo yomadhina omanene moshilongo konyala mba yavena omapapa goNAMA oshowo noChannel O oyo ta ya ka kala oojudge osho wo Ames Munyika(the main judge).

Omahangano ngoka sigo oompano ga tokola okukwathela moshinyangadhalwa shino nomakwatho gayoolokathana ongaashi nee Ames Investment naOgopa Butterfly ndjoka ta yi ka kwata okavideo koshiningwanima shika  ayihe noku gandja wo omamate omatiligane ano red carpert.

One Africa Television okwa tengenekwa taka ulika shika koTV yayo, Mkwanyoka Media otayi ka nongonona noku print uuCD wuli 20 nomaposta geli 10 goalubuma yomusindani nomuhikingalodhingi. 

Aaunganeki yo065 AMA ota ya indile nesimaneko enene omahangano gakwathe mpa taga vulu opo aahikingalo yetu yakwathelwe. 

Oofoloma monooli otadhi adhika ne pomahala giili ngaashi mOndangwa oUnderzone IT Solution,6000 Complex, D-Nangolo Enterprise, Ekamuti Lodge, Facebook Lounge. MOngwediva omo Vivri Lounge noHP Campus, mOshakati Kappa Film Production nopoNBC, mEenhana opoMulti Purpose Youth Centre, Lagocha Bar,Litu Guest House omanga mOhangwena poPonhofi SSS, O’save Mini Market nomOshikango omOshikango Country Lodge.

LEAVE A REPLY

Please enter your comment!
Please enter your name here