Endapo nawa tate gwetu

0
353

KuMaria Namupala

ONANYEGE – Omukalimo gwomomukunda Onanyege megongalo Onayena okwali a hulitha oondjenda dhe momasiku 24 Juni gomwedhi gwaziko, sho a tsuwa nombele nokusa. Oshiningwanima shika osha ningilwa momukunda Ontana  muuzilo mOshitukulwa shaShikoto.

Malakia ya Kagola gwoomvula 57, okwa hokololwa a li a ka takamitha iimuna ye kohambo kOntana hono a ningi esiku,  mesiku mono oshiningwanima sha holoka okwali a ka nwetha iimuna ye, noku pita puundunda wuli popepi.

Okwali iitsuwa asa  esiku ndyoka komatango elela, okwa hokololwa kutya okwali a tsuwa nombele ku gumwe gomomukunda Ontana moka a adhika a kala. Omuselekadhi gwanakusa meme Nangula Helena Iimene okwa lombwele oshifo shika kutya yemwene okwa kundana ashike onkundana ombwinayi mongodhi.  

“Nonande nda adhika ashike nda popi nomuholike gwandje konima ngiika yoowili mbali, ohaluka owala tandi dhengelwa ongodhi kutya Malakia ke ko we a mana sho a tsuwa nombele, osha li oshidhigu okushi itaala ko petameko oshoka onda kala nomaipulo ogendji ngono inaandi ga monena omayamukulo sigo onena,” Meme Nangula ta popi nga.

Nakusa Malakia okwa fumvikwa kengathithi enene mOmaandaha goshiwike shika oku ziilila posinaagoga yawo ya Kangili. Aalilasa yaza koombinga noombinga oyali ye ya ya laleke omuholike gwawo ngono asi eso elulu noli nyanyaleka. Aapopi oyali taya tangumuna Malakia omolwa iilonga ye iiwanawa nombepo ndjono a kala nayo okuhola aantu shithike pamwe.

Tate Malakia okwa thigiko aakuluntu ye, omukulukadhi gwe oshowo oyana yatano mbono yeli mepipi eshona elela.  Omusita Jona Amakali ngoka a ningi euvithopopitho, okwa indile opo aanona mbaka aashona ya tulwe momagalikano omolwa ezepo lya he moshiponga shi nyanyaleka.

Nathanael Haiyaka omukuluntu gopolisi ya Nayena okwa koleke oshiningwanima shika sha ningilwa momukunda Ontana ta holola kutya omufekelwa moshinima shika okuli mondjedhililo yopolisi a tegelela a ka holoke mompangu ishewe.

Meme Selma Nepaya okwali a indile nokutsa omukumo aakwanezimo opo ya kale ye na oonkondo yo taya gandja ayihe mu Kalunga oshoka oye eya pele noye eya kutha. Teya indile ya kale noku galikana, yo taya dhimine po ngoka a longo iilonga yatya ngeyika oshoka oye keshi shoka ta ningi.

LEAVE A REPLY

Please enter your comment!
Please enter your name here