Henrico Botes ota ka dhanena ospana yoBidvest Wits

0
154

Omudhani gwokomeho gwaNamibia , Henrico Botes ota ka dhanena ospana yoBidvest Wits momumvo guudhano gwo 2014/2015 uuna mbuka wa tameke ishewe omwedhi tuuka.

Botes ngoka inaa shunwa we miilonga yokudhanena ospana yoPlatinum Stars, okwa pewa ompito opo a vule oku ka konga iilonga palwe, onkene okwa kundanwa kutya nguka okwa koleke euvathano lyuule womvula yimwe nospana yoBidvest Wits. 

Euvathano ndika otali vulu woo okulelepekwa. 

Omudhani gwaNamibia nguka a kalelapo oshilongo shika olundji momaudhano gopaigwana  okwa li a dhana iikando 15 moliha ya South Africa yedhina PSL, mospana yawo yo Platinum Stars mo momaudhano ngaka ye okwa tulamo ookoola dhili ntano kumwe adhihe , mbali dhomwaandhika okwe dhi thangelemo methigathano lyomakopi , ngaashi ndyoka lyo Telkom, Nedbank nosho tuu.

Omudhani gwokomeho omunamimvo 34-oye omudhani omutiyali a kutwa miilonga ku Gavin Hunt omudheuli gwa Bidvest Wits , konima sho Hunt a li wo a gandja iilonga komudhani omukulu gwokomeho Christopher Katongo a za koZambia. Omudheuli Hunt okwa kundanekwa a popile kutya okwa hala omudhani ngoka ha tulamo ookoola  , no ta vulu okutulamo andola ookoola 15 momumvo gumwe guudhano wetanga lyokoompadhi. 

Okwa itaala kutya elongelokumwe lyaadhani mbaka yaali yokomeho otali ka etapo omasindano ogendji kospana ye.

Shoka tashi yolitha ooshika kutya, Hunt oye omudheuli  ngoka a pele Botes ompito yotango okuya komeho  ongo omudhani gwopaithano. Shika okwe shi ningile sho a li a shaina omudhani omuNamibia nguka pethimbo a li t a dheula ospana yo Moroka Swallows okuza kospana yo Ramblers omumvo 2005. 

Ospana Bidvest Wits oya li ya mana uudhano woliha yo ABSA ya South Africa pehala etitatu pethimbo lyomumvo guudhano wo 2013/2014.

LEAVE A REPLY

Please enter your comment!
Please enter your name here