Meekulu Julia Nangula Tueumuna e tu fiya po

0
321

 Komutoolinghundana

ONGWEDIVA- Odalele yaHenge moAngola omunamido 91 meekulu Julia Nangula Tueumuna okwa xulifila moshipangelo shaNandjokwe moshitukulwa shaShikoto  Juni 20, 2014.

Meekulu Julia Nangula Tueumuna okwa dalelwa momukunda waxe Tueumuna yaNgaifiwa mu Maalisa 03, 1923. Eshi onhe yevaengeli ya fika, ovana vahapu ova tembukila koNamibia ve ya kevaengeli, meekulu Nangula ou a li omuumbati weeshapi domalimba axe elenga linene  la li la ha hombola ovakulukadi 13 ve mu dalela ounona tava tengenekwa ve fike lwopo 80 manga xe ina fya, naye okwa dja ko koAngola.

Okwa shashelwa meongalo laNdobe, ta hombolwa 1943 kuSalomo Shuudeni va dika eumbo mOshandi omukunda u li moshikandjohoololo shaNdobe, petameko leedula 1950 tava tembukile kOininive omukunda u li moshikandjohoololo shaPembe moshitukulwa shaHangwena.  Konima yefyo lomushamane waye Salomo Shuudeni mo1968, okwa kala po eedula dinini molwa omhumbwe youlifilo mo 1971, okwa tembukila vali kOshifitu moshikandjohoololo shaKongo moshitukulwa shaHangwena.

Oshifitu osha kala oshihadi shomalwoodi ekondjelomanguluko  sha etifa ovana vatano  mokati kovadalwa omulongo (ovakainhu vaheyali novalumenhu va 3) va ka konge emanguluko. Omonamati umwe a fyaala moita. Oshali shidjuu kumeekulu Nangula a kala omutelekeli wovakwaita ovakondjelimanguluko e n’owike. 

Okwa kala omukriste lela, omupukululi, e hole oilonga yomake nokwe i tekulila ovana naaveshe va kala puye. Okwa kwatwa kounghundi womutima 1982  ta ende nokunghundipala eshi eedula da uka komesho. Meekulu Julia Nangula okwa ombokelwa June 19,2014 nokwa xulifa oweenda waye June 20 moshipangelo shaNandjokwe moshitukulwa shaShikoto. Okwa pakwa pOshifitu moshikandjohoololo shaKongo,  June, 28,2014.  Mu ina ova dalwa vahamano,  vamwaina vane ova xulifa nale, paife opa fyaala onghelo yavo Matheus Tueumuna, ovana vahetatu ovalumenhu vavali novakainhu vahamano, ovatekulu novatekulululwa 113. 

LEAVE A REPLY

Please enter your comment!
Please enter your name here