Namib Mills a kutha Okapuka kohulo yegonga

0
333

KuShipi Elago

OHANGWENA – Namib Mills okwa kutha Okapuka kohulo yegonga sho a ningi omukwashilipaleki guudhano wokomumvo mboka ngashingeyi hawu ithanwa Namib Mills–Kapuka Tournament.

Namib Mills okwa longitha oshimaliwa shithike poodola N$400 000 muudhano mbuka, pahapu dhomugandji mayelele kombinga yomalanditho mehangano ndyoka omusamane Salomon Shilunga.

Shilunga okwati iimaliwa mbika oya longithwa mokugandja iikulya koosikola adhihe ndhoka dha kuthombinga muudhano mbuka,okweetapo olugumbo lwokapale, nokugandja iikutu yuudhano koosipana ndhoka dha sidana. 

Okwati Kapuka oye natango a kwashilipaleke omapapa neembandi dhuudhano mbuka. Shilunga ta tsikileko tati oya adha esindano enene mokukwashilipaleka uudhano mbuka unene tuu sho shika shi li shimwe sho miinakugwanithwa yawo okutopola okashona hoka haya mono noshigwana.

Okwa uvaneke kutya Namib Mills otaka tsikila noku kwashilipaleka uudhano mbuka ngele elongilotho lyoshimaliwa olya ulika iiyimati iiwanawa.

Mwandikange Kaulinge oye omusindani guudhano wokatanga kokoompadhi 2014 sho adhenge Andimba Toivo Ya Toivo nokoola yimwe monola medhingoloko lya hugunina lyoosikola moka ya yambulapo okapandi N$4000 ,eembandi dhoshingoli,ekopi,niikutu yosipana.  Andimba teya pehala etiyali  nokupewa N$3 500 noombandi dhoshisiliveli, Oshela Secondary School oya yambukapo  no N$2500.

Muudhano wokatanga komokambamba Haudano oye omusindani sho a dhengemo GT nookola 18 mu 11, Gabriel Taapopi okweya pehala etitatu.

Omanga Ongwediva Medipark Netball Club ya sindanapo uudhano weKalaba sho ya li ya dhenge Hot Shot muudhano wahugunina mbuka wa li itaa wu nuwa meya. Uukule Secondary School okwe shi ulike natango kutya oye omukwaniilwa go Volleyball sho oosipana dhe ya A na B dhali dhi ikwata medhingoloko lyahugunina moka Uukule Team A eya pehala lyotango na Uukule Team B eya omutiyali. NDF Head Quarter okwa dhenge Six Star muudhano weKalaba omanga 21 Brigade ya dhengemo Omafo nookola 3-0. Gabriel Taapopi oye omusindani guudhano woBasketball sho adhenge Haimbili Haufiku muudhano wahugunina

Uudhano wo Namib Mills Kapuka  owali wa dhanenwa pokapale koSekundo Sikola ya Ponhofi mOhangwena ehuliloshiwike lyaziko.

LEAVE A REPLY

Please enter your comment!
Please enter your name here