Ombelewa hayi ende omahala nomahala ya ulikwa mOshakati

0
168

KuLoide Jason 

OSHAKATI – Ehangano lyoSanlam ndyoka lya kwatela mo woo oNamlife olya ulike pambelewa ombelewa yalyo yo pasheenditho komaulikilo giipindi goTotem mOshakati. Ndjika anuwa oya tegelelwa okukala tayi fala ekwatho nomayakulo meendelelo kaakwashigwana.

Omuniilonga omukuluntu gwomalandithilo mehangano ndyoka Katanga Sheefeni okwati kutya elalakano lyosheendithombelewa olyo okufala ehumokomeho noshowo omayakulo omawanawa kaayakulwa yawo uunene tuu mboka yena oopolicy dhawo dhili moNamlife.

“Tse katuna naanaa oombelewa moshilongo ashihe, ihe otwa tokola opo tu to tepo ombelewasheenditho ndjoka tayi vulu okutondoka uule woshilongo ashihe ngashingeyi otashi ka kala oshipu noonkondo oshoka otuna ombelewa ndjoka hayi ende,” Sheefeni.

Sheefeni okwa tsikileko woo kutya aalanduli yawo otaya indilwa nesimaneko enene opo ya kale taya lesha iifo noshowo taya pulakene oradio oshoka omo taya ka tseyitha uuyelele awuhe, shinasha naampoka taya ka gandjela omauyelele ethimbo ndyoka.

Osheendithombelewa shika osho shotango mehangano ndika na okwati kutya otaka tseyitha ekwawo pambelewa muule wethimbo ehupi.

LEAVE A REPLY

Please enter your comment!
Please enter your name here