Omuhona a kwata omuniilonga koonkondo nokumupa oHIV

1
277

Omukiintu gwomimvo 25 ngoka e li omukwashigwana gwa Zimbabwe okwa kanitha iilonga nondjokana konima sho a kwatwa koonkondo. Ekwato komatha ndika olye mu kanithile woo uukadhonakadhona we pethimbo ndyoka a li natango inaa hokanwa. Ishewe ndika olye mu thigi ena ombuto yo HIV.

Uuyelele mbuka owa hokololwa mOmpangu ya Mangestrata moHarare sha Zimbabwe oshiwike shayi. Omukiintu nguka a li miilonga yokugamena omaliko okwa kwatwa koonkondo iikando oyindji komuhona gwe, ngoka emu thiminike opo a lale naye ngele hasho ota ka nyateka edhina lye noku mu tidha wo miilonga. Omukiintu nguka okwa longelwa iilonga iilulu mbika noshowo okwa pewa ombuto yoHIV okuza ku na kumu kwata kenganga.

Sho omusamane gwe a dhimbulula kutya omukadhi okuna ombuto yoHIV otaku hokololwa kutya okwe mu tidha molwashoka ye sho a konakonwa ina monika ombuto ndjoka.

Baltmore Mudhivhare gwomimvo 48, ha longo ongo omugameni gwomaliko omukuluntu poshipangelo sho moshilando shoka okwa holokele komeho gomupanguli Donald Ndirowei ta tamanekelwa ekwato koonkondo oshowo okutaandeleka ombuto yoHIV eshishi shoka ta ningi.

Oshipotha she osha undulilwa komasiku 10 gomwedhi nguka ye okuli natango mondholongo, nonando okwa tseyithilwa kutya ota vulu okuninga eindilo okwiifutilamo mondholongo eli ukitha kOmpangu yopombanda. Omutamaneki  Sharon Mashavira ota ti kutya otaku fekelwa ethimbo limwe momumvo 2012, sho omweeti gwoshipotha a adhika a kutwa miilonga yuusekuliti poshipangelo, okwa popiwa naye ku Mudhivhare omanga a li ta longo uusiku.

Ngoka anuwa okwe mu lundile oshinima a longa oshinene no inee shi tumbula omanga inaa pula okulala nomukiintu nguka opo aniwa epogolo ndyoka omukiintu a ninga keeli lopote. Mudhivhare anuwa okwa lombwele omukiintu ngoka opo a ye kondunda yovasalaye hoka eke mu kwatela koonkondo.

Omukiintu ngoka taku hokololwa a li natango inaa gumwa nando okomulumentu kokutya okwa li omukadhonadhona, okwa kugile ekwatho ndele onkugo ye ina yi tondokwa nando okulye. Omukiintu nguka okwa ka hokanwa konima yomvula yimwe osho Ompangu ya hokololelwa, ihe Mudhivhare okwa a dhika emu fukila onkene okwa tsikile okulongitha nayi iilonga mbyoka nonando ngoka okwa li ahokanwa. Okwa hokololwa kutya Mudhivhare okwa galukile koshipangelo uusiku mboka a kwata omukiintu nguka koonkondo lwotango nokwa tsikile nokumu lala koonkondo ishewe. Okwe mu lombwele opo kaa hokololele nando omuntu nokwe mu tilitha noku mu tidha miilonga ngele okwe shi ningi.

Omukiintu nguka sho a ningi omusimba okwa yi a ka konakonwe ngele okuna ombuto yoHIV nokwa monika eyi na omanga omulume kee yi na. Oshinima shoka osha geeyeke omusamane gwe ngoka e ke mu tidhamo megumbo lyawo osho Ompangu ya lombwelwa.

Iihokolola mbika oyepangelo woo oshoka oshihakanwa shika osha li wo sha tidhwa miilonga konima sho Mudhivhare eshi lundile iifundja kutya ihashi vulika. Omalundilo okwe ga ningi molwashike inaa pewa we shoka omukiintu nguka a kala he mu pe nando ine shi hala.

Omukiintu okwa ka hokololela kuume ke iiningwanima mbika, naanguka okwe mu pe omayele opo a ka lopote oshinima shoka kopolisi.

Onzo:The Herald

1 COMMENT

  1. This was so bad to this lady but anyway I would like to thank this lady for taking her problems to her friend so that they discuss this problems. Furthermore, this man was not supoused to be given any bail at all so that he feels the pain too because of the worse things he did to her.

LEAVE A REPLY

Please enter your comment!
Please enter your name here