Omulumentu a henge po omukadhi oshoka okwa li omukulukadhi nale gwa hekulu

0
156

Konima ashike yomasiku gane sho ya hokana pamuthigululwakalo omulumentu gwomomukunda Rufunsa moZambia okwa thigipo egumbo lye lyondjokana, konima sho a uvu kutya omukiintu gwe ngoka a li a hokana okwa li omukulukadhi nale gwa hekulu.

Shika osha ningwa sho Dainess Ngumbo, a fala Jonathan Musole gwomomukunda Sema kompangu, molwashoka okwa thigi po omwanakadhona Catherine Ngumbo. Ngumbo okwa li ta indile opo a futilwe omolwa eyono lyeuvathano ndyoka. 

Ngumbo okwa lombwele mangestrata omukuluntu, Phil Phiri mohofa ya Rufunsa, kutya omwedhi gwaziko omwanakadhona Catherine okwa ka tekele omeya ndele ina galuka we esiku ndyoka. Ndele okwa ka uva kutya nguka okwa li a yiwa naye ku Musole. 

Catherine okwa galukile ashike kegumbo  esiku lya landula, nando a lombwelwa kutya na shune hoka a lala.

“Konima yomasiku omashona , Musole okwa tumu ohango opo a hokane na Catherine shika onde shi tindi petameko oshoka inatu tseya ngele Musole okwa hokana nenge ahawe. Kandali ishewe ndi uvite nawa kutya Catherine ota hokanwa unene tuu sho a li unene omunona natango, ihe Musole okwa thiminike kutya okwa hala okuhokana Catherine nokwa gandja iigonda yookwacha 20[konyala oosenda ndatu dha Namibia],” Ngumbo a ti.

Okwa ti Musole okwa pulwa a gandje iigonda yooK1,500 (N$2,58)ndele okwa futuko ashike ooK150 (26 cents) noku pula kutya naya ye komeho nondjokana. Ngumbo okwa ti konima yomasiku omashona mokukala mondjokana Musole, okwa tumu aatalinawa yondjokana ya ka tale nawa ngele Catherine pamwe okwa li nale a hokana na okwa uvu kutya nguka okwa li a hokanwa kuhekulu ndele ete mu thigi po.

Sho Catherine a pulwa kutya oshike sha ende mongaya okwa ti omulume okwa thigi po egumbo konima yomasiku gane konima yondjokana yawo sho a dhengelwa ongodhi komukadhi nale a ti omwana gwawo otaalukwa.

Okwa ti Musole ina galuka wee. Catherine okwa ka taamba ashike etumwalaka tali ti ondjokana yawo oya hulila mpoka molwashoka nguka okwa mono kutya okwa li nale omukulukadhi gwahekulu.

Musole okwa zimine kutya okwa etha po Catherine molwashoka nguka okwa li omukulukadhi gwahekulu. Shika okwa ti oshidhila kuye okuhokana omukulukadhi a li gwahekulu.

Ompangu mokugandja etokolo oya lombwele Musole a futile  Ngumbo nomwanakadhona Catherine ookwacha K2,500 (N$4,29) ta kala ta futu komwedhi ookwacha K200 (34 cents). 

Onzo – Zambia Daily Mail

LEAVE A REPLY

Please enter your comment!
Please enter your name here