OTB Sport ta longekidha uudhano ehuliloshiwike ndika

0
156

KuShipi Elago

OSHAKATI – Ongeshefa yedhina Otb sport natango otayi uunganeke uudhano wo BOS woosikola dhingi monooli ehuliloshiwike ndika omasiku 5-6 ga Juli 2014.

Omuunganeki guudhano mbuka Penny Shaalulange gwongesefa yoOtb Sport okwa ti oya tegelela Oosikola dhi ka kuthombinga muudhano ngaashi okatanga kokoompadhi, okatanga komokambamba, Basketball noVolleyball aamati naakadhona.

Penny otati otonamende oya egulukila osikola kehe, nAakuluntusikola oya tegelelwa ya kale ya kwashilipaleka omadhina gaadhani mboka taya ka kalelapo oosikola dhawo. Osikola ndjoka tayi ka sindanapo uudhano kehe otayi ka mbendekwa ekopi, eembandi, noshimaliwa shili paludhi lwoshihampi shoka osikola tayi ke shilongitha okulanda iilongitho yomaudhano moositola dho Otb.

Shika ota shi kapula Otb omwaalu gwiimaliwa yithike po N$ 30 000, Penny tati. 

Penny okwa holola wo kutya omumvo nguka oya mona eyambidhidho okuzilila ko Coca Cola noodola dha Namibia N$ 10 000.

Penny okwa ti  elalakano lyuudhano mbuka olyo okupendulapo omaudhano gaanyanyamagulu moshilongo, okulonga aanyasha opo ya vule okutaalela omashongo gomasindano noku sindikwa omanga yeli lela pomimvo dhopevi.

Penny ta tsikileko tati muudhano womumvo gwa piti oya li ye shipondola okupa ompito aanasikola ye vule pe 1000, opo ya kuthombinga momaudhano ga yooloka, na oya hala omwaalu guye pombanda nuumvo.

Ota ti oya longekidha aahikihiya ya pyokoka okukakwatela komeho omaudhano ngaka na ota indile oosikopla dhika dhiginine ethimbo oshoka itaku ka idhidhimikilwa nande ehepitho lyethimbo.

LEAVE A REPLY

Please enter your comment!
Please enter your name here