Alikaneni, natu hingeni nuukeka

0
177

Oluhodhi olunene na otashi uvitha nayi okuuva kutya omwaalu gwaakwashigwana gwa a dha po28 gwa ile moshiponga shoohauto mEtiyali ndika meEenhana, pethimbo twa li tushi oshigwana osha uvithwako nawa kokuhinga nuuhasha, okulondeka kwapiitilila nokuhinga omuntu kaaye na konasha.

Oshifo shoshigwana Kundana itashi ti kutya oshiponga shoka shaningilwa meEnhnana osha holoka po omolwa okuhinga nuuhasha nenge kehingo lontapo ya yapitilila, nenge tutye okulondeka kwapitilila, hasho nande. 

Omitima dhetu nomagalikano getu ota tu ga gandja kaakwanezimo naamboka yali ya kwatelwa moshiponga osho tuu shika, tu ya halele epango tali endelele unene tuu ku mboka ya ehamekwa komalutu.

Shika otashi holola kutya opwali iiponga oyindji yii yenditho oshiwike shayi, manga a shike twa li tuli momadhiladhilo kutya iiponga oya shonopala. Ehulilo shiwike lyaziko opwali ishewe puna omwaalu gwaantu mboka ya hulithile miiponga yii enditho shoshitopolwa shaErongo naOshikoto.

Pakugwedha po, Kundana oshiwike shayi okwa lopota aapolisi yomonooli ta ya hingi kaayena oombapila dhuuthemba wokuhinga,  nosho wo epitikilo lyaahona yawo yahinge iihauto yopolisi. 

Oyendji yomaahingi mbaka oyo yamwe po, ya li ya kwatelwa miiponga oyo tuu mbika, moka mwakanithile oomwenyo dhaantu noyamwe ya ehamekwa noonkondo komalutu.

Aapolisi aakuluntu yomonooli na ya katuke onkantu kiiningwanima mbika kaapuna ekwatakwato. Itashipitikwa shitsikile. Oshike aakwashigwana yena okuninga, ngele aapolisi mba ha ya longo noveta nelandulathano oyo ta ya hingi kaayena oombapila dhokuhinga, na oyo ta ya eta iiponga?

Omwaalu gwiiponga miiyenditho kadhi shi oombwanawa, unene tuu pethimbo ndino lyomvula aantu ta ya tameke oku longekidha oohango dhoka tadhi kadhanwa muAgusite sigo Ondeseemba nosho wo oKrismesa nomumvo omupe. Kushika, ohashivulika ngaa nee pu ka kale iiponga iishona oomwedhi twa uka.

Alikaneni, natu hingeni nuukeka, kapena shoka tashi tuhingitha nuuhasha.

LEAVE A REPLY

Please enter your comment!
Please enter your name here