Keedula 8 ka kwatwa onghonga

0
168

KuHelvy Shaanika 

ONGWEDIVA – Opolifi mOmuthiya oya kwata nokuditika omumati weedula 19 eshi vati a kwata onghonga okaana kambulavo keedula hetatu.

 Oshiningwanima eshi osha ningilwa momukunda Uuhama moshitukulwa shaMuthiya.

Otaku hokololwa kutya omulumenhu oo hadi meumbo limwe nokaana oko a ninga oshihakanwa shaye shopaixulo, okwe li vakela monduda omo mwa li mwa nangala okaana ndele ta ka dula nokuya nako moixulo.

Oshiningwanima eshi osha ningwa oshivike eshi, nosha lopotelwa opolifi yaMuthiya kovakulunhu vokaana aka. 

Omuponhele waKakukutu kOmatanga Opolifi mOshitukulwa shaShikoto Deputy Commissioner Willem Peter okwa koleka oshiningwanima eshi. 

Peter okwa ti oka oshimuluma eshi shinyemataka osha monika mo kovadali vokaana ovo va lopotela opolifi, osho sha eta fiyo opo po eshi omukonenenwa a kwatwa po.

Omufekelwa okwa holoka nale mOmhangululilo yaMangestalata waNdangwa mEtivali. 

Peter ta hokolola kutya opolifi mOshikoto oya loloka okulopotelwa oiningwanima yomakawato onghonga oyo ta i ningilwa ovakainhu nounona moshitukulwa omo.

“Fye otwa kenyanana neenghono. Ovanhu kaveshi kutya ngeenge omunhu wa kwata omukainhu ile okaana onghonga ino longela ashike oshihakanwa shoye oushada ashike naave mwene owe li longela oushada. “Ngeenge owa li una eumbo, eshi to ka dja modolongo konima yekwatonghonga, eumbo loye oto hange la hanauka po. 

Nge ouna ounona, owa ninga eenghalamwenyo davo di djuu shaashi otava kala tava tukwa naxe oo ha kwata ovanhu keenghono. Ngeenge oumuhongifikola, owa nyateka edina lofikola shaashi ota ku kala taku ti pofikola yeni ope na ovahongi hava kwata ovanhu keenghono. Nongeenge owa hombola, nedina lomukulukadi woye owe li nyateka,” Peter ta ti.  

LEAVE A REPLY

Please enter your comment!
Please enter your name here