Oosikola ta dhi kutha ombinga mOtb Sport

0
206

Ku Shipi Elago

OSHAKATI – Ongesefa yedhina Otb sport natango otayi uunganeke uudhano woBOS wooSikola dhingi monooli ehuliloshiwike ndika omasiku gatano sigo gahamano gaJuly 2014.

Omuunganeki guudhano mbuka Penny Shaalulange gwongesefa yoOtb Sport okwati oya tegelela Oosikola dhi ka kuthe ombinga muudhano ngaashi okatanga kokoompadhi, okatanga komokambamba, Basketball noVolleyball aamati naakadhona.

Penny otati otonamende oyili ya egulukila Osikola kehe, nAakuluntusikola oya tegelelwa ya kale ya kwashilipaleka omadhina gaadhani mboka taya ka kalela po Oosikola dhawo.

Osikola ndjoka tayi kasindana po uudhano kehe otayi ka mbendekwa ekopi, eembandi, noshimaliwa shili paludhi lwoshihampi (Sport vouchers) shoka Osikola tayi keshi longitha okulanda iilongitho yomaudhano mOositola dho Otb.

Shika ota shi kapula Otb omwaalu gwiimaliwa yithike po N$30 000, Penny tati. Penny okwa holola wo kutya omuvo nguka oya mona eyambidhidho okuzilila koCoca-Cola Namibia noondola dha Namibia N$10 000.

Penny okawa ti  elalakano lyuudhano mbuka olyo okupendula po omaudhano gaanyanyamagulu moshilongo, okulonga aanyasha opo ya vule okutaalela omashongo gomasindano nokusindikwa omanga yeli lela pomivo dhopevi.

Penny ta tsikile ko ta ti muudhano womuvo gwa piti oya li ye shipondola okupa ompito Anasikola yevule po 1000, opo ya kuthe ombinga momaudhano gayoloka, na oye li yahala omwaalu guye pombanda omuvo nguka.

Ota ti oye li ya longekidha aahikihiya ya pyokoka okukakwatela komeho omaudhano ngaka na ota indile Oosikola dhika dhi dhiginine ethimbo oshoka itaku ka idhidhimikilwa nande ehepitho lyethimbo.

LEAVE A REPLY

Please enter your comment!
Please enter your name here