Oshiponga oshinene mondjila yEenhana

1
232

By Nuusita Ashipala

ONGWEDIVA – Omuntu gumwe okwali a sile poshiponga manga omilongo mbali na ndatu oyali yeehamekelwa moshiponga oshinyanyalithi shono shali sha ningilwa pokati kOnakalunga nEdimba mondjila onene yEenhana ongulohi yEtiyali oshiwike shika.

Pamushangwa ngono gwali gwa pitithwa kehangano ndjono hali yungaayunga niiponga yomoondjila (MVA), oshiponga osha li sha holoka sho ohauto dhoobakie dhili mbali dhiidhenge mumwe omutse nomutse ongulohi tuu ndjoka.

Maantu mbono yeli omilongo mbali nandatu, aantu yane oyali yeehamekwa unene noonkondo omanga 19 kayali yeehamwekwa kashona owala.

“Pamahokololo ga ningwa petameko oguuliike kutye omuntu gumwe okwali sile poshiponga, omanga aantu yeli yane oyali yeehamekwa unene yo omulongo nomugoyi kayali yeehamekwa unene,” omushangwa tagu lesha.

Omushangwa ogwa hokolola wo kutya shimwe shomiiyenditho mbyono yali moshiponga oshali sha londeka sha pitilila naantu yeli omilongo mbali nayimwe.

Mbono yali yeehamekwa moshiponga oyali yee hamekwa momutse, noyamwe oyali ya teka pomahala gayooloka.  Aantu yane mbono yali yeehamekwa noonkondo oyali ya falwa koshipangelo shopaumwene sha Medipark omanga gumwe goomahingi okwali a falwa koshipangelo shepangelo lyaShakati.

Ehangano lyoMVA olyali lya tumu etanga lyaantu yeli omulongo nayatano opo ya ka kwathele moshiponga oshowo ohauto yo ambulance.

MVA okwa kunkilile aahingi opo yiiyuthe koompango dhomoondjila yo yande okulondeka ya pitilila nokuhinga yaana oombaapila dhokuhinga.

MVA okwali wo olundji a kunkilile aagandyi yiilonga ya yande oku transporta aniilonga momalooli noshowo iiyenditho yaana omahala goopala nokukuutumba nenge omapaya gokwiimangela mo

1 COMMENT

  1. i wish a gud recovery to those hu ar sick may th almight heal thm gud treatment en th one u passaway may her /his soul rst in internal peace

LEAVE A REPLY

Please enter your comment!
Please enter your name here